Ngewɔ mɛhɛ ji a mu kpɛlɛ nafa lɔ

Pɛiŋ Yesu aa ya haa, i Pita, Jeemisi, Jɔn, kɛ Anduu loilɔ, kɔ i yɛpɛ ti gama. Ji i yɛ yɛpɛma kɔlongɔ sawulei nasia ma ta kɛ, kɛ kɛlɛma vui lɔ lukpema gblanga, i mɔli yia wailɔ yɛɛ: “Ye lɔ naa hɔ tɔnya bɔilopo nɛmahulewengɔi le na ngi lemɔi i ngi loni ngi mawɛlɛbublɛisia mahu, mɛhɛ veva tiɛ a yekpelei?” (Matiu 24:3, 45; Maak 13:3, 4) Ndilooma mia Yesu yɛ a fe ngi womableisia wɛ, kɛ sia ti “lemɔi” na, a loko loo lɔ nasia ma ta Ngewɔ mɛhɛ ve tiɛ, ji ndunyi gɛlɛmi a lukpe gbla. mia ye bɔilupui ji le?

I gbuani Yesu womablei nasia lia lɔ Ngewɔ loko loonga ti ma li va ngelegohu. Ye “bɔilopui” ji yɛni a Guma Gbakui nasia lɔ ti looni Jɛhova Jeliwuableisia ti hugbatei gulɔ. Ye bɔilupui ji magbee nyaningoi kɔ i Ngewɔ mɛhɛ ve nasia wɛ tia tieni ta Jɛhova vɛi. Mu lii valangoi ngi ma kɔ i lɛ gulɔma a Ngewɔ ‘mɛhɛ gɔɛkɔɛ la mu ma a yekpelemi.’—Luuk 12:42.

Ta mia ti Ngewɔ wɛlɛ bu hindeisia mahugbee ma. (I Timɔti 3:15) Yesu ngenge wa venga bɔilopui ji wɛ, kɔ i yɛ ngingi kpɛlɛ mahu a wue Jɛhova hugbatei hu, ndunyi hu kpɛlɛ. Sia nyikɔ Ngewɔ layia lelei na, kɛ jamaasia ti gaalei. Fale, kɔ ‘tɔnya kɛ nɛmahulee bɔilupui’ ji i Ngewɔ mɛhɛ na ve mu wɛ mua gbee fa, kɛ wati na mua gbee fa, ta Ngewɔ mɛhɛ gɔɛkɔɛma ndunyi hu kpɛlɛ. Sia nyikɔ bukuisia na kɛ haiŋ yepekei nasia mua ti yayenge Ngewɔ layei le va, kɛmu gomisia hu.

Bɔilupui jisia ti lɔnyangɔ a kaa na Baibui a kɛ, kɛ Ngewɔ layia lelei. Tao tia ngingi kpɛlɛ mahugbe ma Yesu ndoni a tie a nɛmahulee. (Toobla ti Wiehindɛisia 10:42) Jɛhova lɔ tuŋ nunga lɛma ma kɔ ti wote a ngi jeliwuableisia, tao ta bɔilupui jisia luba ma kɔ ti lɛ gulɔma a Ngewɔ mɛhɛ ve la muɛ.—Aisaia 60:22; 65:13.

  • Yeni mia Yesu loko looni ti ma, kɔ ti Ngewɔ mɛhɛ ve ngi womableisia wɛ?

  • Pili ye gbɛ huwue mia bɔilupuisia ta kɛ, kɛ ti lɔnyangɔ, tao ti nɛmahuleengɔ?