Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KƆLƆNGU 25

Gbɛva Mia Mua Mahayia Wɛɛsia Loo—tao Mua Ye Too?

Gbɛva Mia Mua Mahayia Wɛɛsia Loo—tao Mua Ye Too?

Bolivia

Mahaya Wɛɛ ye ngovei kɛ ye nini, Naigilia

Tahiti

Biyei ji, Mahaya Wɛɛ, i looni kaa na va lɔ mua pie na kɔlongɔ Ngewɔ Mahayei ma, nahi Yesu yɛ a yɛpɛ kɔlongɔ ma ji i yɛ a Ngewɔ layei le.—Luuk 8:1.

Na mia ta tɔnya Yewɔvɛi wue na. Na mia Jɛhova Jeliwuableisia ta gomɛ na kɔ ti tiɛkpe hugbatɛ Ngewɔ layei le va. (Matiu 24:14) Mahaya Wɛɛ looyi ngla-ngla maa, tɛɛ too ndakpangɔ wa, kɛɛ ta too lɔ kpekpengɔ tao nyandengɔ. Mahaya Wɛɛsia lɛnga, jamaasia ti leengɔ fele ma ta gomɛ na. Fo lɛnga leengɔ woma, mu Mahaya Wɛɛ gboto longa nahi teengɔ taosi gboto ma, tao a gu a lɔɔlu foo ma, kɔ Mahaya Wɛɛ i yɛ na jamaasia va. Mua ye gu mu ngingi jisia kpɛlɛ wue?—Matiu 19:26.

Kɔpoi na mua kula Mahaya Wɛɛsia loo va. Jamaasia ta kɔpoi gula Mahaya Wɛɛsia loo va, kɛ ti joyonga mu yenge bikisia hu, kɔ kɔpoi i yɛna Mahaya Wɛɛsia loo va, a wati na ta gbee fa.

Nasia ta Mahaya Wɛɛsia loo, tii gbuani hinda yia, tao tɛɛ ti pawa. Ndɔɛ gbotoma hu nunga ti hugbatɛngoi Mahaya Wɛɛsia loo va. Ye nungei jisia ta jia jamaasia luahu ndɔɛ na hu ti na, kɔ ti kpɔma wue Mahaya Wɛɛsia loo va. Ndɔɔ lɛnga hu, ti loko loonga jamaa gbakuisia lɛnga ma ti pɛɛ loo hindei hugɔɔngɔ, kɔ ti Mahaya Wɛɛ loolei mahugbe. Tao nunga yekei nasia ti bɛɛngɔ a ngingi ji wue la, ta tiɛkpe ve lɔ kɔ ti kpɔma wue ngingi ji wue va. Mia gbi lee ta ye ngingi ji wue na, nasia ti jamaasia hu, ti gbotoma ta tiɛkpe ve lɔ ngingi ji wue va. Ji Jɛhova Jeliwuableisia ta tiɛkpe ve a ti lii kpɛlɛ, kɛ kpɔmi na Jɛhova a pie, ta mia ngingi ji lɛma gulɔma.Saam 127:1; Kɔlɔsiabla 3:23.

  • Gbɛva mia ta mu yewɔvɛimi loli a Mahaya Wɛɛ?

  • Gbɛ mia gbɔma mu ma kɔ mu gu mu Mahaya Wɛɛsia loo ndunyi hu kpɛlɛ?