Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KƆLƆNGU 26

Mua Ye Kpɔma Wue Mahayia Wɛɛ Magbatɛ Va?

Mua Ye Kpɔma Wue Mahayia Wɛɛ Magbatɛ Va?

Istonia

Jimbambue

Mɔngolia

Poto Liko

Ngewɔ biyei lɔ Jɛhova Jeliwuableisia ti Mahaya Wɛɛ gbi lee ma. Na va mia mua gii la kɛ, kohunɛ mia ye pɛlei ji ma hawa va, tao magbatɛ va. Tao pele yia mia a na Ngewɔ vɛi va, kɛ ngi lato va tao mu kpɛlɛ mua ye ngingi ji wue lɔ a kohunɛ.

Mu gomi vayanga, bia bɛ kpɔma wue Mahaya Wɛɛ ma yɛ va sɛwɛ. Ji mu gomisia ta vaya, mu ndeengeisia ta yenge lɔ, kɔ Mahaya Wɛɛ la i yɛ sɛwɛ. Wati gbi lee, mua na gombo lɔ. Kpakuisia ɔɔ kpeegbuabla mia ta loo ye ngenge wuelei ji gulɔ, tao kɔlei lɔ na ta magbe, kɔ ti kɔɔ na kungɔ mu pie. Nunga lɛnga ta tiɛkpe ve lɔ, Mahaya Wɛɛ la hawa va, ma gombo va, na yia va, kɛ kei wili va. Fo gbi lee hu, ta lɔwɔ la Mahaya Wɛɛ magbatɛ va. Mua mu lengeisia gaa lɔ kɔ bagɔɔma i yɛ ti yeya mu yewɔvɛimi va, ji mua ti loli ngenge lɛnga wue va.—Ɛkkliisiastiis 5:1.

Kungɔ bi biɛkpe ve ngenge gbi lee wue va Mahaya Wɛɛ la. Fo gbi lee hu, ta Mahaya Wɛɛsia gbekpe lɔ kɔ ti kɔɔ mia kungɔ ti na gbatɛ, kɔ aa gula. (II Krɔnikls 24:13; 34:10) Mahaya Wɛɛ la mia mua mu Yewɔwai vɛi na, famia nyandengɔ na i yɛ sɛwɛ. Mua kɛ kɛ mu longɔ a Ngewɔ tao mu longɔ a ngi vɛimi ji mua yenge kɔ na i yɛ sɛwɛ-sɛwɛ. (Saam 122:1) Ji a wote lɔ a seli nunga ti gama.—II Kɔrintabla 6:3.

  • Gbɛva mia kungɔ mu mu yewɔvɛimi hou panda?

  • Hugbatei ye gbɛ mia na, kɔ mu Mahaya Wɛɛ i yɛ sɛwɛ-sɛwɛ?