Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KƆLƆNGU 17

Kpalata Mahugbebla Ta Ye Gbɔ Mu Ma?

Kpalata Mahugbebla Ta Ye Gbɔ Mu Ma?

Malawi

Ngewɔ layia le gomi

Ngewɔ layia lelei

Kpakuisia ti gomi

Baibui yɛpeilɔ kɔlongɔ Pɔɔl tia Banabas ma sia ti yɛ yɛ a jia jamaasia mahu. Ti yɛɛ wɔɔ a leete jamaasia mahu jifa ti gbeengɔ yɛla ti ndeengeisia va. Pɔɔl ndeilɔ yɛ ngi longɔ ‘i hiti ngi ndeenga gama’ kɔ i kɔɔ sia ti ye na. Pɔɔl gohunɛingɔ yɛla jia va mai gboto va, kɔ i leete ngi ndeengeisia mahu ti lii nɛpɔ va. (Toobla ti Wiehindɛisia 15:36) Himia lɔ ha bɛ mahugbeblei nasia ta jia jamaasia mahu ta pie.

Ta waa kɔ ti mu lii nɛpɔ. Kpalata mahugbemɔ gbi lee a jia jamaasia mahu nahi teengɔ 20 ma, a jamaa gbi lee mɛilɔ wiki yia va, heima fele foi hu. Mua ndii nɛpɔ majɔɔ lɔ ji ta hungɛ a mue na a ti mɛi, tao na a wue jamaa yekeisia hu. Tao ta lapi lɔ gbɔma, kɔ ti nunga kpɛlɛ gɔɔ jamaa hu, tao ti gohu a nɛilɔ kɔ mua tieni mu li Ngewɔ layia lemi, kɛ nungei nasia gama mua ti gaa a Baibui. Ye mahugbeblei jisia, tia kpakuisia ta li lɔ mu ndeengeisia gama ti lii nɛpɔ va. Tao ta njɛpɛ nyandenga ve lɔ mu gomisia hu na a gbua Ngewɔ Layei hu.—Toobla ti Wiehindɛisia 15:35.

Ta ndomi gɛ lɔ a numui kpɛlɛ jamaa hu. Kpalata mahugbebla ti gbeengɔ wa Ngewɔ yingi va mua pie jamaa hu. Famia ji ta wa, ta komɛ hou lɔ a kpakuisia kɛ kpeegbuabla kɔ ti kɔɔ ina mua lɛma gulɔma a Ngewɔ hindei, tao ta pelenga gɛ lɔ a tie sia ta ye lɛ gulɔma a ti yingisia wue la. Ta gbɔɔ pelelabla ma kɔ ti lɛ gulɔma a Ngewɔ layia lelei. Tao ti gohu a nɛilɔ nasia va ti wama Mahaya Wɛɛ la a nina, tao kɔɔ va kɛ ye nungei jisia lɔ lapi ma kɔ ti Jɛhova liima hindei wue. Ta tiɛkpe ve lɔ kɔ ti wote a mu ‘mbaa ngengembla.’ (II Kɔrintabla 8:23) Kungɔ mu kpɛlɛ mu lapi ti lawokɔ va.—Hiibrublɛisia 13:7.

  • Gbɛva mia kpalata mahugbebla ta jia jamaasia mahu?

  • Ba ye nafa majɔɔ ti walei hu?