Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KƆLƆNGU 24

Mi Mia Mua Kɔpoi Gbuana Ngingi Ji Wue Va Ndunyi Hu Kpɛlɛ?

Mi Mia Mua Kɔpoi Gbuana Ngingi Ji Wue Va Ndunyi Hu Kpɛlɛ?

Nɛpal

Togo

Blitin

Fo gbi lee, mua bukuisia kɛ Baibuisia ve lɔ nunga wɛ nahi kungɔ a miliɔn gboto, gbama va. Mua Mahaya Wɛɛ ninanga loo lɔ tao mua mu yenge bikisia magbatɛ lɔ kɛ Mahaya Wɛɛsia. Mua loko hei lɔ misɔnalisia bu kɛ nasia ti Bɛtɛl, tao mua gbɔɔ mu ndeenga ma ji kpundɛ a gula ti ma. Na a wue lɔ bi gili, ‘mi mia mua kɔpoi gbua na, ji kpɛlɛ wue va?’

Muɛ numu mɔli kɔpɔ va, muɛ numu gbayia tao muɛ kɔpɔ wɔyɔ numu gbi yeya. Sia bɛ kɔpɔ gboto mia ngingi ji kpɛlɛ wue va, kɛ muɛ numu gbi mɔli kɔpɔ va. Fo 100 leengɔ woma, “Manɛgɔti” yia wailɔ nyɛingɔ hu kɛ Jɛhova lɔ ngingi ji woma, tao kɛ “muɛ numu gbi vɛli kpɔma va kunafɔ va.” Tao sia wɔɔ gba mui ya numu gbi mɔlini.—Matiu 10:8.

Nunga ti lii hu gbɔmi na ta pie ta mia a ngingi ji lɛ gulɔma. Nunga gbotoma ti gohunɛingɔ ngingi ji ma mua pie, nunga gaa va a Ngewɔ Layei. Famia ta kpɔma wue kɔ i lɛ gulɔma. Jɛhova Jeliwuableisia bɛ ha ti tiɛkpe venga, kɛ na gbi ti yeya a ti lii kpɛlɛ Ngewɔ liima hindei wue va. (I Krɔnikls 29:9) Bi yaa Mahaya Wɛɛ la ɔɔ mu gomɛ wawaisia hu, ina bi longɔ bi kɔpoi gula ngingi ji lɛ va gulɔma, bɔksisia lɔ na kula va hu. Nunga gbotoma ti nyaningɔ sia lee pondo nyahin na na Yesu ngi latoni naavo wulohiŋ gula va kɔpɔ lama gbatɛmi. (Luuk 21:1-4) Fale, numu gbi lee longa, “i heima gbatɛ” kɔ “i fe sia i ngi lii huyilia pieva.”—I Kɔrintabla 16:2; II Kɔrintabla 9:7.

Mu langoi la kɛ Jɛhova a yaa a jaa a nasia ti lii, nahi ti longɔ ti ‘ngi bɛlɛhou a ti mahakɛisia gbi’ kɔ ngingi ji i lɛ gulɔma.—Saleisia 3:9.

  • Gbɛva mia mu hugbatei gba i lee ngewɔvɛi gbambi hugbatei yepekeisia ma?

  • Nunga ti lii hu gbɔmi na ta pie mua ye gayenge?