Mua sɛi gbuama bi ma ji bi wati gbatɛnga bukui ji gaa va kɔ bi Jɛhova Jeliwuableisia gɔɔ panda, tao kaa wue va kɔlongɔ nama ta pie, kɛ ti hugbatei ma. Mu langoi la kɛ i gbɔnga bi ma kɔ bi kɔɔ kɛ mua mia mu Jɛhova liima hindei wue ma ha. Tao mua bi ma nɛnɛ ma kɔ bi lɛ gulɔma a kaa wue la kɔlongɔ Ngewɔ ma, bi bi mableisia gaa kɔlongɔ ngi ma, tao bi ya gbɛɛ mu gomisia ma mua hou.—Hiibrublɛisia 10:23-25.

Sia lee ba yɛ kaa wue ma kɔlongɔ Ngewɔ ma, himia ba tɔ kɛ ngi longoi vui a bie a tɔnya. Na a pie lɔ biɛ bi lapi gboŋ kɔ ndomi i yɛ bi lii hu ngi va. (I Jɔn 4:8-10, 19) Kɛɛ ba ye gu bi kɛ, kɛ bi longoi vui a ngie a tɔnya? Nafei ye gbɔɔ ba majɔɔ Ngewɔ jaweisia hou va? Gbɛ mia a gbɔ bi ma kɔ bi gbɛɛ mu ma Ngewɔ liima hindei wue va? Numui na bi gaama a Baibui, a gbɔ bi ma bi ye kpɛmbuisia gɔkoi, kɔ wua bi mableisia “wu wua yekpe mahugbe Ngewɔ lomɛi hu, . . . kunafɔ lɛvui va.”—Juud 21.

Mua bi manɛnɛma kɔ bi lɛ gulɔma a kaa wue la kɔlongɔ Ngewɔ liima hindei ma bukui ji hu . . .