Ba nde lɔ bɛ . . .

  • ɔɔ?

  • ɔ-ɔ?

  • ɔɔ kɛnga?

 BAIBUI YƐƐ

Haabla ‘ta vululɔ ti hiye hei hu.’—Tobleisia Ti Wiehindeisia 24:15, Ngowili Yekpei Numu Kpɛlɛɛ Va.

JI A YE BI NAFA

A pie lɔ mu lii i nɛpɔ ji mu numui a haa.—II Kɔrintabla 1:3, 4.

A pie lɔ nduwa gbi ɛɛ yɛ mu hu haa va.—Hiibrublɛisia 2:15.

A ndiiloma ve lɔ mu wɛ kɛ mu mablei nasia ti haanga ta yama lɔ gbɔma ndɛvui hu mua tieni mu lɔ.—Jɔn 5:28, 29.

 KUNGƆ VUI MU LA A NA BAIBUI A NDE?

Ɔɔ, sabu sawei jisia va:

  • Ngewɔ mia ndɛvu haiŋsia kpɛlɛ gbatɛni. Baibui ndeilɔ yɛ Jɛhova mia ‘ndɛvu yei ngi yeya.’ (Saams 36:9; Toobla ti Wiehindɛisia 17:24, 25) Jifa ta mia ndɛvui veni ndɛvu haiŋsia kpɛlɛ wɛ, fale a gulɔ i ndɛvui ve gbɔma numui na wɛ haanga.

  • Ngewɔ yɛ nunga wunga hei hu. Baibui yɛpɛilɔ kɔlongɔ numu wayakpa ma Ngewɔ ti wuni hei hu. Ti lɛnga ti yɛni a jialenga lɔ, kpakuisia, nyahanga kɛ hinga. Ji ti lɛnga ti haani, hu ii guani kɛ i ti yamanga ndɛvui hu. Kɛɛ kena yia ta ji i haani, i yɛɛ kambei hu njii naani va.—Jɔn 11:39-44.

  • Ngewɔ longɔ i ji wue gbɔma. Jɛhova lolongoi a hei tao a tɔ lɔ sia lee bɛ ngi juwui na. (I Kɔrintabla 15:26) Ngewɔ hamingoi hei gɛlɛ va, na va mia i wama haabla ti wuma hei hu. Ngi hamingoi haabla ti wu va hei hu kɔ ti yɛ ndunyi ji hu gbɔma.—Joob 14:14, 15.

 GII LƐ A MƆLI JI

Gbɛva mia mua wova tao mua haa?

Baibui mɔli ji gbɛmboilɔ JƐNƐSIS 3:17-19ROMABLƐISIA 5:12 hu.