Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

1. Gɔd Go Lɛk Wi Sote Go

1. Gɔd Go Lɛk Wi Sote Go

1 NGEWƆ LONGƆ A BIE

A wua yekpe mahugbe Ngewɔ lomɛi hu, . . . kunafɔ lɛvui va.’—Juud 21

Gbɛva mia vui bi langɔ la kɛ Ngewɔ longoi a bie?

  • Jɔn 3:​16; I Jɔn 4:​8-10; Hinda Gɛngɔ 4:​11

    Jɛhova haisia kpɛlɛ gbatɛilɔ kɔ mu mu lɛvui yanɛɛ ndunyi ji ma. Ji Adam tia Iv ti jumbu hindei wueni, na Ngewɔ yɛ magaani pie va nuuvuisia va ma ii wooveni. I ngi Hindolui veilɔ a ngumawo haiŋ kɔ i sabu la nuuvuisia va kunafɔ lɛvui majɔɔ va.

  • Saam 65:​2; Toobla ti Wiehindɛisia 5:​32

    Kɔ Jɛhova i gbɔ mu ma siahuna bɛ vui, i mu gɔnga a Baibui kɛ ngi mbawo yafei, tao i sabu laa mu wɛ hɛ va ngi gama. Ji mua yɛ hɛma ngi gama, ngi woo a yɛɛ mu ma.

 

2 JI MUA WOLO JƐHOVA MA A WATI GBI NA A MU NAFA LƆ

“Nya lɔ Ndemɔi [“Jɛhova,” NW] bi Yewɔi a nge, na a bi gaa [kɔ] i bi nafa.”—Aisaia 48:​17

Ba ye nafa ji ba wolo Jɛhova ma?

  • Dutɛrɔnɔmi 5:​28-33; 6:​24

    Jɛhova a tɔɔ ji mua yɛ lapima ngi liima hindei wue va. Mu golonga Jɛhova wɛ, mua ndiilɛi majɔɔ lɔ siahuna bɛ vui, tao mua luba gboto majɔɔ lɔ sina kulɔma.

 

 3 BA GU LƆ BI KƐ A JƐHOVA KƐ BI LONGƆ A NGIE

“Ajifa ji lɔ ndomɛi le Ngewɔ va, kɛ mu ngi jawɛisia hou: tao ngi jawɛisia tii minini.”—I Jɔn 5:​3

Mua gu lɔ mu Ngewɔ jaweisia hou?

  • Dutɛrɔnɔmi 30:​11; Saam 103:​14

    Jɛhova kɔɔ lɔ kɛ mu yakpuangɔ ii le, fale ɛɛ mu mɔli hinda gbi wue va nahi muɛ gu aa pie la.

  • Saleisia 27:​11; Romablɛisia 7:​21-25

    Ndomi na mu lii hu Jɛhova va, ta mia a mu gbaya ngi liima hindei wue va i gɛ bɛ vui kɛ ii bɛbɛni.

  • Saleisia 6:​16-19; Ɛfɛsubla 5:​17

    Ndahi yɛpei nasia ti Baibui hu, ta pie lɔ mu Ngewɔ giiyei gɔɔ. Ye ndahi yɛpei jisia ta mu giiyei loo lɔ pele ma, tao ta pie lɔ gbɔma ndomi na mu lii hu Jɛhova va i gbaya. Tao ta gbɔɔ mu ma mu kɔɔ na mahoungɔ mu pie ji mua bɛ hindanga ma nahi Baibui ii kɛni vui na kungɔ mu pie.