Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Gbɔɔ A Wa A Kohunɛ Bondei Hu?

Gbɔɔ A Wa A Kohunɛ Bondei Hu?

Bi giingɔ la kɛ . . .

  • ndomi mia?

  • naavui mia?

  • ɔɔ haiŋ yeka?

 BAIBUI YƐƐ

‘Nasia ta Ngewɔ yiɛi mɛni, ti golo mbu, ti lubangoi.’—Luuk 11:28, Ngowoli Yekpei Numu Kpɛlɛɛ Va.

JI A YE BI NAFA

Ba tɔnya lomi majɔɔ lɔ.—Ɛfɛsubla 5:28, 29.

Bagɔɔma a yɛɛ bi ma.—Ɛfɛsubla 5:33.

Ba ndilɛi majɔɔ lɔ.—Maak 10:6-9

 KUNGƆ VUI MU LA A NA BAIBUI A NDE?

Ɔɔ, sabu fili jisia va:

  • Ngewɔ mia bonda hindei hugbatɛni. Baibui ndeilɔ yɛ Jɛhova mia heinyɔyei ye haala yi hugbatɛni. (Jɛnɛsis 2:18-24) Ji ndema lɔ mu ma kɛ ta mia bonda hindei latoni. Gbɛva mia kungɔ bi ji la nɛmahu?

    Gii lɛ a ji: Ina bia mɛhɛ nɛnɛ mɛ ma, tao bi longɔ bi kɔɔ gbɛnga mia kinii ti puni ye mɛhɛ na hu kɔ i nɛɛ, ye mia ba ngi mɔli? Mu langɔ la kɛ numui na mɛhɛ na yiini ta mia ba ngi mɔli.

    Sia lee mɛhɛ nɛnɛ na na, kɔ mu hindei nasia gɔɔ ta wa a kohunɛ bondei hu, kungɔ mu Jɛhova gama gbe na bonda hindei latoni.

  • Ngewɔ gbeengɔ wu va. Kungɔ nasia ti bondei hu ti ya ndahi nasia gaa Jɛhova a fe ti wɛ ngi Layei hu. Gbɛva le? “Ajifa ngi gbewengɔe wu va.” (I Pita 5:6, 7) Jɛhova longɔ wa a wue—tao ndahi nasia a fe wu wɛ ta wu nafa lɔ.—Saleisia 3:5, 6; Aisaia 48:17, 18.

 GII LƐ A MƆLI JI

Ba ye gu bi wote a hindo, nyaha kɛ ndemɔ yekpe?

Baibui mɔli ji gbɛmboilɔ ƐFƐSUBLA 5:1, 2KƆLƆSIABLA 3:18-21 HU.