Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KAA YE 8

Ndiamɔ Yekpenga Ti Yɛɛ Josaya Yeya

Ndiamɔ Yekpenga Ti Yɛɛ Josaya Yeya

Bi giingɔ la kpaukpaungoi kɔ bi na wue pɔnangɔ?— Hi mia nunga gboto ma ta gii la. Baibui ndeilɔ kɛ kpaukpaungɔ yɛla hindo lopo yia va ta ngi loli a Josaya, kɔ i na wue pɔnangɔ. Kɛɛ ndiamɔ yekpenga ti yɛɛ ngi yeya nahi ti gbɔni ngi ma. Mu kaa wue lɛ naa kɔlongɔ Josaya ma kɛ ngi ndiamuisia.

Josaya ngi kɛkɛ biyei mia yɛla a Amɔn, Juda mahin. Amɔn nyamungɔ wa yɛla tao i yɛ a ndɛ yewɔisia lɔ vɛi. Ji i haani, ngi lui Josaya mia woteni a mahin Juda. Josaya vui yɛni a fo wayakpa lɔ ji i tatoni a mahayei yayenge la. Bi giingɔ la Josaya nyamungɔ yɛla sia ngi kɛkɛ yɛ na?— A-a, ii yɛ nyamuni!

Sɛfanaya nunga lahin lɔ kɔ taa ndɛ yewɔisia vɛli

Sia bɛ ngi gulongɔ, ngi longɔ yɛla i na wue Jɛhova longɔ la. Fale, nasia ti yɛ a na wue Jɛhova longɔ la, tia mia i ti woteni a ngi ndiamuisia. Tao ti gbɔilɔ Josaya ma kɔ i na wue pɔnangɔ. Josaya ndiamuisia ti yɛni wɔɔ a ye lɔ?

Ye ngla yɛni wɔɔ a Sɛfanaya lɔ. Sɛfanaya yɛni wɔɔ a Ngewɔ lutui lɔ na yɛ a Judableisia lahin yɛ ti ndɛ yewɔisia  vɛinga, hinda nyamu wa a wue lɔ a tie. Josaya woloilɔ Sɛfanaya ma kɛ ta Jɛhova vɛima. Ii yɛ a ndɛ yewɔ vɛi.

Josaya ndiamui yepekei yɛni wɔɔ a Jɛlimaya lɔ. Ngi yatengei mia yɛla a Josaya, tao tia Josaya ti makɛni gblanga-gblanga lɔ. Ndiamɔya yekpe wa yɛɛ ti luahu nahi ji Josaya haani, Jɛlimaya ngole nyande wa nyɛilɔ na a kɛ kɛ ngi longɔ wa yɛla a ngi ndiamui. Jɛlimaya tia Josaya ti gbɔilɔ ti nyɔunyɔu ma kɔ ti na wue pɔnangɔ tao kɔ ti na wue Jɛhova longɔ la.

Josaya tia Jɛlimaya ti gbɔilɔ ti nyɔunyɔu ma kɔ ti na wue pɔnangɔ

Gbɔɔ mua kaa kɔlongɔ na ma Josaya pieni?— Sia bɛ Josaya ngulongɔ, ngi longɔ yɛla i na wue Jɛhova longɔ la. I yɛ kɔɔ lɔ kɛ kungɔ i ndiamɔyei gbatɛ a nasia ta na wue Jɛhova longɔ la. Bia bɛ kungɔ bi tɔɔ kɛ bi ndiamɔya gbatɛnga a nasia ti longɔ a Jɛhova, ta gbɔ bi ma kɔ bi na wue pɔnangɔ.

BAIBU WUI JISIA GAA BI BAIBUI HU