Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 KAA YE 7

Bi Giinga Wɔɔ Gba Kɛ Biakpe Mia Bi Na tao Ba Luwa?

Bi Giinga Wɔɔ Gba Kɛ Biakpe Mia Bi Na tao Ba Luwa?

Hindolupui na lɔ lɛ pisoi na hu. Bi tɔa bɛ taikpe mia na tao ngi luwangɔ hiye? Hindei ji bonda wuenga wɔɔ gba a bie?— Tɛnga lɔna, hindei ji bonda a wue lɔ a mu kpɛlɛ. Baibui yɛpɛilɔ kɔlongɔ Jɛhova ndimuisia ma ti yɛ a luwa tao ta gii la kɛ tiakpe mia ti na. Ye ngla nge yɛni a Ilaija lɔ. Mu kaa wue lɛ naa kɔlongɔ ngi ma.

Jesibɛl longɔ yɛla i Ilaija waa

Ilaija yɛɛ Isuɛl fo gboto leengɔ woma pɛiŋ ta yaa Yesu le. A wati na, Isuɛl mahi Ehab ii yɛ a tɔnya Yewɔi vɛi, Jɛhova. Ehab tia ngi nyahin Jesibɛl ti yɛ a ndɛ yewɔi lɔ vɛi ta toi a Beɛl. Fale, nunga gbotoma ti Isuɛl, tia bɛ ti tatoilɔ a Beɛl vɛi la. Jesibɛl nyamungɔ wa yɛla, i magaailɔ kɔ i nasia kpɛlɛ waa ti yɛ a Jɛhova vɛi i gbɛɛ Ilaija ma! Bi na gɔɔ lɔ Ilaija pieni?—

 Ilaija leeilɔ a pimɛ! Kɛ i ya ŋanya lɔlei hu i lɔwu pui hu. Gbɛva mia bi giingɔ la Ilaija na wueni?— I luwailɔ. Kɛɛ ii gui yɛla Ilaija i luwa. Bi kɔɔ lɔ gbɛva le? Gbɛva see i yɛ kɔɔ lɔ kɛ Jɛhova a gbɔɔ ngi ma. Jɛhova yɛ ngi gbayei gɛnga a Ilaija. Wati yia Jɛhova Ilaija hɛ wui gbɛmboilɔ kɛ ngombui gbua ngelegohu. Fale kungɔ yɛla i gii la kɛ Jɛhova a gu lɔ i gbɔ ngi ma gbɔma!

Jɛhova ye gbɔni Ilaija ma?

Ji Ilaija yɛ pui hu, Jɛhova ngi mɔli lɔ yɛɛ: ‘gbɔɔ bi piema mbei?’ kɛ Ilaija ndenga yɛɛ: ‘nya yakpe mia ngi longa, tao tia nya gɔkoima nya waa va.’ Ilaija gii lɔ la kɛ ti Jɛhova vɛiblei yepekeisia kpɛlɛ waanga. Kɛɛ Jɛhova ndeilɔ Ilaija ma yɛɛ: ‘ɔ-ɔ, tɔnya yana a na. Nunga ti 7,000 lɔ na tuŋ ta nya vɛi. Bi lii i loo. Ngenge lɔ tuŋ nya yeya bi va!’ Bi giingɔ la Ilaija gohunɛilɔ hindei ji humɛni va?—

Gbɔɔ ba kaa kɔlongɔ na ma Ilaija maini? Ii gui bi luwa tao bi gii la kɛ biakpe mia bi na. Bi ndiamuisia lɔ na nahi ti longɔ a Jɛhova tao ti longɔ a bie. Jɛhova gbayangɔ wa le, a gbɔɔ bi ma a wati gbi lee. Bi gohunɛingɔ kɔɔ va kɛ biakpe yana baa yɛ na?—

BAIBU WUI JISIA GAA BI BAIBUI HU