Li mia haiŋ kpɛlɛ na

Jɛhova Jeliwuablesia

Kɛnyɛyei wumbu Mɛnde

Bi Ye Baibui Lɔni?

Bi Ye Baibui Lɔni?

Bi giingɔ la kɛ . . .

  • nuuvui nda giiyei mia hu?

  • ndɔmɛ buku gbama mia?

  • ɔɔ Ngewɔ Layei mia?

 BAIBUI YƐƐ

Njiei nasia kpɛlɛ ti Baibui hu, ‘Ngewɔ lɔ i puni nunga ti lii hu ti nyɛin.’—II Timɔti 3:16, Ngowili Yekpei Numu Kpɛlɛɛ Va.

JI A YE BI NAFA

A gbɔɔ bi ma bi kpɛmbuisia majɔɔ kɔlongɔ mɔli nasia ma ba ngua bi lɛvui hu.—Saleisia 2:1-5.

A gbɔɔ bi ma kɔ bi pili na gɔɔ kungɔ bi jia la.—Saams 119:105.

A gbɔɔ bi ma kɔ bi lii loo hindei nasia ma Ngewɔ magaanga pie va kulɔma.—Romablɛisia 15:4.

 KUNGƆ VUI MU LA A NA BAIBUI A NDE?

Ɔɔ, sabu sawei jisia va:

  • Njɛpɛ yakpe mia Baibui hu. Fo 1,600 gohu mia ti Baibui nyɛini, tao nunga ti 40 mia ti nyɛini. Ti gboto ma tii ti nyɔunyɔu lɔni, kɛɛ nahu gbi ti kpɛlɛ ti njɛpɛ yakpe lɔ nyɛini.

  • Tɔnya yei mia ti nyɛini Baibui hu. Ji kɔlɔ nyɛinbla ta yɛ kɔlei nyɛin ma kɔlongɔ wɔɔ ma hindeisia ma, kpakpaungɔ kɔ ti tɔnyi nyɛin kɔlongɔ hinda nyamui nasia ma ti mabla ti yɛ a pie. Kɛɛ nasia ti Baibui nyɛini, ti tia ti mabla ti wuehinda nyamuisia kɛ ye kpikpisia kpɛlɛ nyɛilɔ hu.—II Krɔnikls 36:15, 16; Saams 51:1-4.

  • Na gbi Baibui a nde a wue lɔ. Fo 200 leengɔ woma pɛiŋ taa ya Babilɔn hu nyani, Baibui yɛpɛilɔ kɔlongɔ na nyani lei ma. (Aisaia 13:17-22) I baa na ma, Baibui ndeilɔ gbɔma sia ta ye Babilɔn hu nyani la, tao i numui na biyei gɛilɔ a na nyani.—Aisaia 45:1-3.

    I baa na ma, Baibui yɛpɛilɔ gbɔma kɔlongɔ kulɔma hindei yepekeisia ma, tao ti wueilɔ sia lee i yɛ ndeni la. Hi ya na kungɔ Ngewɔ Layei i yɛ na?—II Pita 1:21.

 GII LƐ A MƆLI JI

Ngewɔ Layei a ye bi nafa?

Baibui mɔli ji gbɛmboilɔ AISAIA 48:17, 18II TIMƆTI 3:16, 17 hu.