Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 115

Ndunyi Ji A Wote Lɔ a Alijɛnɛ

Ndunyi Ji A Wote Lɔ a Alijɛnɛ

PISOI ji gbe lɛ mbeindo, nyandengɔ hiye? Bia ndɔpei ji lɔma mɛhɛ mɛ ma ndupui ji yeya? Kɔli nasia kɛ sui nasia bɛ lɔ lɛ. Bɛɛ lo kɔ bi yɛ hindei ji bonda?

Ngewɔ longɔ bi yɛ ndunyama Alijɛni hu kunafɔ va. Tao ii loni kɔ kpalɛ, ɔɔ kpagba gbi ii la bi ma. Baibui ndeilɔ yɛ nasia ta yɛ ndunyama Alijɛnɛ hu: ‘Ngewɔ a yɛɛ ti lia, hei ɛɛ yɛ na gbɔma, kpalɛ ɛɛ yɛ na tao tɛɛ yaa higbɛ gbɔma. Ajifa haala hindeisia ti gbɔyɔnga.’

Yesu a tɔ lɔ kɛ hindei jisia kpɛlɛ ta wue lɔ. Bi kɔɔ lɔ migbe mia ta wue? Ji a hinda nyamuisia kpɛlɛ gbɔyɔ tao i nunga nyamuisia kpɛlɛ jukuu, ta mia hindei jisia ta wue. Gii la kɛ ji Yesu yɛ ndunyi ji hu, i higbɛbla bawoilɔ, tao i haabla wuilɔ hei hu. Yesu i ji kpɛlɛ wueilɔ kɛ va kɛ a hindei jisia wue lɔ ndunyi hu ji a wote a Mahin ndunyi ji mahu.

Gii lɛ sia ndɛvui a ye yɛ na ndunyama Alijɛni hu, ji Yesu tia nasia i loko loonga ti ma ta yɛ ngelegohu ta mahayei yayenge ndunyi ji mahu. A wati na, numui kpɛlɛ a yɛɛ kohunɛ kɛ ndilɛli hu. Mu tɔ lɛ naa gbɔɔ kungɔ mu pie kɔ Ngewɔ i kunafɔ lɛvui ve mu wɛ ndunyama Alijɛni hu.