Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

Kaka 8

Na Gbi Lee Baibui A Nde A Wue Lɔ

Na Gbi Lee Baibui A Nde A Wue Lɔ

Hindei nasia ti wueni wɔɔ tia lee yana Baibui aa yɛpɛ kɔlongɔ ma, kɛɛ i yɛpɛilɔ gbɔma kɔlongɔ hindei nasia ma ti wama wuema sina kulɔma. Nuuvu gbii na a gu i kulɔma hinda hugɛ. Na va mia mu langɔ la kɛ Baibui Ngewɔ layei mia hu, gbɛva see Ngewɔ mia lee a gu i kulɔma hinda hugɛ. Gbɛ mia Baibui ndeni kɔlongɔ hindei nasia ma ti wama wue ma kulɔma?

I yɛpɛilɔ kɔlongɔ koi na ma Ngewɔ wama kula ma nunga nyamuisia ma. A ti kpɛlɛ jukuu lɔ, kɛɛ a nasia mabawoilɔ ta ngi liima hindei wue. Ngewɔ mahin, Yesu Klisti, a tɔ lɔ kɛ nasia kpɛlɛ ti Ngewɔ liima hindei wueni ta kohunɛ kɛ ndilɛli majɔɔ lɔ, tao tɛɛ ya higbɛ ɔɔ haa gbɔma.

Mu gohunɛingɔ kɔɔ va kɛ Ngewɔ wama ndunyi ji wote ma a alijɛnɛ. Kɛɛ kungɔ mu hinda wue kɔ mu yɛ ye ndunyama Alijɛni na hu. Ndɔmi ye kɛlɛmayi hu, mua kaa wue lɔ kɔlongɔ na ma kungɔ mu pie kɔ mu nafei na majɔɔ Ngewɔ magaanga nasia va ta na wue ngi longɔ la. Fale, KAKA 8 ji gaa kɔ bi kɔɔ na Baibui ndeni kɔlongɔ hindei nasia ma ti wama wue ma.

 

KAKEI JI MA

NDƆMI YE 114

Nunga Nyamuisia Tɛɛ Ya Yɛna

Gbɛva mia Ngewɔ wa ma Yesu looma tia ngi gɔgɔbleisia Amagɛdɔn goi gɔ va?

NDƆMI YE 115

Ndunyi Ji A Wote Lɔ a Alijɛnɛ

Nunga ti yɛɛ wɔɔ ndunyama Alijɛni hu, tao na wa ma wuema gbɔma.

NDƆMI YE 116

Mua Ye Kunafɔ Lɛvui Majɔɔ

I baa kaa na ma mua pie kɔlongɔ Jɛhova ma tia ngi Lui Yesu, gbɛ mia kungɔ mu pie gbɔma kɔ mu kunafɔ lɛvui majɔɔ?