Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 110

Pɔɔl tia Timɔti

Pɔɔl tia Timɔti

BIA foningi ji lɔma looni Pɔɔl gblanga? Ngi biyei mia a Timɔti. Timɔti tia ngi mabla ti yɛ Lista lɔ. Ngi nje tia ngi mama ti biyei mia yɛla a Yunis tia Lɔis.

Pɔɔl yɛɛ a li Lista Ngewɔ layei le va. Haala wati tia Banabas mia ti lini. Wati yepekei, Pɔɔl tia Sailas mia ti lini. Ye wati na ma bi kɔɔ lɔ gbɔɔ wueni?

Pɔɔl Timɔti mɔlilɔ yɛɛ: ‘Ba lo lɔ bi gbɛɛ mua Sailas ma? Mu longɔ bi gbɔ mu ma Ngewɔ layei le va nungei nasia gama ti kuamisia.’

Timɔti kpɛmboilɔ yɛɛ: ‘Aa, nga lo lɔ ngi gbɛɛ wu ma.’ Hu ii guani, Timɔti ngi mabla loilɔ kɛ i toonga Pɔɔl tia Sailas ma. Kɛɛ pɛiŋ mua ya kaa wue kɔlongɔ ti jiei ma, mu tɔ lɛ gbɔɔ wueni a Pɔɔl fo 17 nyikɔ leengɔ woma ji Yesu gɛni a ngie pili hu ji i yɛ li ma Damaskɔs.

Gii la kɛ Pɔɔl yɛ li ma kpalei lɔ la ma Yesu womableisia ma Damaskɔs, kɛɛ ta vui bɛ woteilɔ a Yesu womamui. Nunga lɛnga ti juyailɔ a Pɔɔl, gbɛva see tii yɛ loni i yɛpɛ kɔlongɔ Yesu ma, fale ti yɛ ngi waa ma. Kɛɛ topomablei nasia ti yɛ Damaskɔs ti gbɔilɔ ngi ma kɔ i lɔwu. Ti ngi heini sambei hu lɔ kɛ ti ngi yeinga a gɔlei ma we.

Na woma Pɔɔl lilɔ Antiɔk kɔ i Ngewɔ layei le na. Na mia ti tatoni a Yesu womableisia loli la na a Klistimableisia. Na woma ti Pɔɔl tia Banabas looilɔ ta yekeisia hu kɔ ti li ti Ngewɔ layei le. Ye tei jisia ye ngla yɛni a Lista lɔ, mia Timɔti tia ngi mabla ti yɛ na.

Pɛiŋ fo yia aa ya hiti, Pɔɔl lilɔ gbɔma Lista. Ye wati na mia i Timɔti ma mɔlini kɔ i gbɛɛ ti ma. Ji Timɔti gbɛɛni Pɔɔl tia Sailas ma, bi mia gɔɔ lɔ ti lini na? Mu mapi na ma gbe lɛ kɔ mu ye hindei jisia lɛnga gɔɔ.

Ti lini Aikoniɔm lɔ haala, kɛ ti ya Antiɔk. Na woma ti lilɔ Toas, ji ti gbuani na kɛ ti ya Filipai, Tɛsaloniaka kɛ Bɛluya. Bia Atɛns lɔ ma mapi ma? Pɔɔl lilɔ na Ngewɔ layei le va. Na woma ti lilɔ Kɔlint Ngewɔ layei le va tao ti yɛɛ na fo yia kɛ yɛ kutu va. Na woma ti foilɔ Ɛfisɔs, kɛɛ tii lɛmbini na. Ji ti gbuani Ɛfisɔs ti ndɛndei wumbuilɔ kɛ ti yamanga Saselia. Na woma Pɔɔl lilɔ Antiɔk kɛ i heinga na.

Fale, Timɔti tia Pɔɔl ti jiailɔ hinda gboto Ngewɔ layei le va kɛ jamaasia lawo va. Bia bɛɛ bi jɛmbɛnga ba Jɛhova vɛi lɔ a bi lii kpɛlɛ sia Timɔti pieni la?