Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

KAKA 7

I Hinje Ma Wati Na Maa Yesu Hiyeni Kambei hu i too Wati Na Ma Ti Pɔɔl Waani Kpindi Wɛlei Bu

I Hinje Ma Wati Na Maa Yesu Hiyeni Kambei hu i too Wati Na Ma Ti Pɔɔl Waani Kpindi Wɛlei Bu

Jii Sawa leengɔ woma ji Yesu haani, i hinjeilɔ kambei hu. Ye foo yiakpi na ma, i gɛilɔ a ngi womableisia kungɔ a heima lɔɔlu. I gbua na ma, Yesu lɛilɔ gulɔma a gɛ la a tie foo 40 va. Na woma, ngi womableisia lɛnga ti loilɔ ngi gbee ma i lɛ ngelegohu. Jii puu leengɔ woma ji i lɛni ngelegohu, Ngewɔ yafa yekpi yeilɔ ngi womablei nasia ma ti yɛ Jelusalɛm.

Wati lɛnga leengɔ woma, Ngewɔ juwuisia ti Yesu gaalopo yia houilɔ na ta toli a Sivin, ti ngi wili kpindi wɛlei bu, kɛɛ Ngewɔ maikei ngi mabowoilɔ. Na woma, ti ngi houilɔ gbɔma kɛ ti ngi hɔɔnga haŋ i haa. Kɛɛ mua kaa wuelɔ gbɔma sia Yesu ye hinda nyamu wueblei jisia ye ngila nge woteni a ngi gaalupui. Fo sawa kɛ ye kutu leengɔ woma ji Yesu haani, Ngewɔ toomui Pita looilɔ kɔ i ngi layei le kena yia ma ta ngi loli a Kɔnilɔs kɛ ngi mableisia. Kɛɛ Juubla yana yɛla a tie.

Fo 13 leengɔ woma, Pɔɔl tatoilɔ a lila teisia ma kɔ i Ngewɔ layei le. Heima ye fili ji i yɛ lima, Timɔti tooilɔ ngi woma. Mua kaa wue lɔ gbɔma kɔlongɔ kohunɛ na ma Pɔɔl tia ngi mba jiabla ti majɔɔni ji ti yɛ a Ngewɔ layei le. Na kpɛlɛ leengɔ woma, ti Pɔɔl wuilɔ kpindi wɛlei bu Lom. Fo fele leengɔ woma, ti gbeilɔ ngi ma. Kɛɛ ti ngi hoilɔ gbɔma ti ngi wu kpindi wɛlei bu kɛ ti ngi waanga. Fo 32 gohu mia hindei ji kpɛlɛ wueni KAKA 7 yɛpɛ ma kɔlongɔ ma.

 

KAKEI JI MA

NDƆMI YE 102

Yesu Wuilɔ Hei Hu

Ji maikei kɔti gbuani Yesu gambei lama, na sojeisia ti tɔni kambei hu i ti hugbɛlilɔ wa.

NDƆMI YE 103

Yesu Gɛilɔ a Ngi Womableisia

Gbɛva mia Yesu gaalupuisia ti yakani ngi ma ji i wuni hei hu?

NDƆMI YE 104

Yesu Yamailɔ Ngelegohu

Pɛiŋ Yesu aa ya yama ngelegohu, i ngi gaalupuisia looilɔ ngenge yia ma pie va.

NDƆMI YE 105

Ngafa Yekpi Yeilɔ Yesu Womableisia Ma

Gbɛva mia Yesu bawo yafei yeini ngi gaalupuisia ma Pɛtikɔsi vuli ma?

NDƆMI YE 106

Toobla Ti Mabawoilɔ Kpindi Wɛlei Bu

Juubla ti yewɔvɛi lookuleisia ti toobla houilɔ kɛ ti ti wunga kpindi wɛlei bu kɔ ti gbe a yɛpɛ la kɔlongɔ Yesu ma, kɛɛ Ngewɔ hinda wueilɔ na woma.

NDƆMI YE 107

Ti Sivin Mahɔɔilɔ

Ji ti yɛ Sivin mahɔɔma i hɛ maminingɔ wa wueilɔ.

NDƆMI YE 108

Yesu Yɛpɛilɔ Sɔɔl Gama Ji I Yɛ Lima Damaskɔs

Fofo wai na kɛ ngui na gbuani ngelegohu, i pieilɔ Sɔɔl i ngi wuehindei mawove.

NDƆMI YE 109

Pita Lilɔ Kɔnilɔs Gama

Ngewɔ i kɛnyɛwu gbi wumbuilɔ i le kɛnyɛwu yekeisia kpɛlɛ ma?

NDƆMI YE 110

Pɔɔl tia Timɔti

Timɔti gbuailɔ ngi yetahu i gbɛɛ Pɔɔl ma kɔ ti li Ngewɔ layia lemi.

NDƆMI YE  111

Pɔɔl Hindolopo Yia Wuilɔ Hei Hu

Yutikɔs yiilɔ ji Pɔɔl yɛ ngi yɛpei ye haala yi vema. Kabande hinda wa wueilɔ ji i kpɔyɔni a njɛpei ye haala yi ve la.

NDƆMI YE 112

Ndɛndei Wuilɔ a Pɔɔlni

Ji ti kpɛlɛ ti yɛ a gii la kɛ tii bawoma, Pɔɔl ngowi majɔɔilɔ na gbuani Ngewɔ gama, na pieilɔ kɔ ti ndiilooma majɔɔ.

NDƆMI YE 113

Wati Na Pɔɔl Yɛ Lom

Pɔɔl ye guni i toopoma yingi wue ji ngi magbangɔ yɛla?