Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 62

Kpundei Yɛɛ Devidi Ye Pɛɛ Bu

Kpundei Yɛɛ Devidi Ye Pɛɛ Bu

JI DEVIDI woteni a mahin Jelusalɛm, Jɛhova pieilɔ i kɔ gboto gbua. Jɛhova yɛ lahedi wumbunga kɛ i Kenaan lɔlei ve maa Isuɛlbleisia wɛ. Tao Jɛhova gbɔilɔ ti ma ti ndɔlei nasia kpɛlɛ majɔɔ i lahedi wumbuni fe va ti wɛ.

Devidi yɛni wɔɔ a maha yekpe wa lɔ. Ngi longɔ yɛla a Jɛhova. Fale, haala hindei i pieni ji i guni Jelusalɛm ma, ta mia ji i wani a kayema gaŋaa. Tao ngi longɔ yɛla i hɛ wɛlei loo kɔ i kayema gaŋaa jɔkɔ bu.

Kɛɛ fo gboto leengɔ woma, Devidi jumbu ma hinda wueilɔ. Devidi yɛ kɔɔ lɔ kɛ ii nyandeni kɔ numu i hakei na wumbu na ngi woo ii le. Kɛɛ kpɔkɔ yia, ji i yɛ ngi wɛɛ mahu, i nyaha nyande wa yia lɔilɔ, nahi ngi biyei mia yɛla a Baseba. Ngi hini biyei mia yɛla a Ulaia, i yɛni a kɔgɔmɔ lɔ.

Ji Devidi Baseba lɔni, i loilɔ a ngie huleengɔ gboŋ kɛ i numu loonga ngi loli ma. A wati na, ngi hini ya kɔgɔmi. Kɛ Devidi puegbua a ngie kɛ i goonga. Hindei ji Devidi gɔɔ gbɛlilɔ ngi bu, kɛ i ngowi yoyonga numui na gama looni kɔgɔbla ti mahu Joab, yɛ i Ulaia loo mia koi gbadingɔ na kɔ ti ngi waa. Ji Ulaia haani, Devidi heinyɔya wueilɔ a Baseba.

Jɛhova lileeilɔ wa Devidi ma. Fale, i ngi lutui Netan looilɔ Devidi gama kɔ i nde ngi ma kɛ i hinda nyamu wa wuenga. Bia Netan lɔ ma pisoi ji hu ji i yɛpɛ ma Devidi gama? Devidi kɔɔilɔ kɛ jumbu ma hinda wa mia i pienga, tao na ngi lii mɔnɛilɔ wa. Fale, Jɛhova ii ngi waani. Kɛɛ Jɛhova ndeilɔ yɛɛ: ‘Ajifa bi jumbu ma hindei jisia wuenga, hinda nyamu gbotonga ta wue lɔ bi ye pɛlɛ bu.’ Hinda nyamui ye gbɛnga mia ti wueni Devidi ye pɛlɛ bu?

Haala, hindolui na Baseba ndeni i haailɔ. Na woma, Devidi haala hindolui Amnɔn gbundɛilɔ Temaa ma ngi ndee nyahalui. Absalɔn i lileeilɔ wa kɛ i ngi ndii Amnɔn waanga. Na woma, Absalɔn pieilɔ nunga gboto ti lo a ngie, kɛ i taikpe wotenga a maha. Na kpɛlɛ leengɔ woma, ti Absalɔn waailɔ koi hu. A tɔnya hinda nyamu gbotonga ti wueilɔ Devidi ye pɛɛbu.

Kɛɛ wati jisia luahu, Baseba hindolo yeka leilɔ nahi ngi biyei mia yɛla a Sɔlɔmɔn. Ji Devidi wovani i higbɛ, ngi hindolui Adonija longɔ yɛla i taikpe wote a mahin. Na woma, Devidi pieilɔ Sedɔk saagbuamɔi i ngulei jende Sɔlɔmɔn wumba, kɛ va kɛ ta mia kungɔ i wote a mahin. Hu ii guani kɛ Devidi haanga. Ngi vui yɛni a 70 lɔ. Na woma, Sɔlɔmɔn woteilɔ a mahin Isuɛl mahu. Fo 40 mia Devidi woteni a mahin Isuɛl mahu.