Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 71

Ngewɔ Lahedi Wumbunga Wa Va a Ndunyama Alijɛni

Ngewɔ Lahedi Wumbunga Wa Va a Ndunyama Alijɛni

PISOI ji yɛni a tɔmasei lɔ na Ngewɔ kɛni a ngi lutui Aisaia, kɔlongɔ ndunyama Alijɛni ma. Jona haangoi woma mia Aisaia yɛ na.

Bi pisoi ji bonda lɔnga bukui ji hu? Kpuangɔ a kata nyande wai na Jɛhova kpatɛni Idɛn Adam tia Iv va hiye? Kɛɛ bi giingoi la kɛ ndunyi ji kpɛlɛ a nyande lɔ sia bi tɔ ma mbei?

Jɛhova ndeilɔ ngi lutu yia ma ta ngi loli a Aisaia, kɔ i kɔlɔ nyɛin kɔlongɔ ndunyama Alijɛni ma. Ji mia Ngewɔ ndeni: ‘Sifai tia mbalalui ta yɛɛ hinda yia. Kɔli tia njeloi ta mɛli lɔ hinda yia, tao ndopo mumuisia mia ta ti mahugbe. Njiailui a lolilɔ tupui gblanga nahi ɛɛ gbɛogbɛ wue a ngie.’

Kɛɛ nunga gbotoma ti gilingɔ la kɛ hindei ji bonda ɛɛ wue kunafɔ va, gbɛva see mu yama wonga hinda nyamuisia ma lɔ. Kɛɛ gii lɛ, ji Ngewɔ Adam tia Iv gbatɛni haala, mi mia i ti wuni na?

Ngewɔ Adam tia Iv wuni alijɛnɛ lɔ ndunyi ji ma. Kɛɛ jifa tii woloni Ngewɔ ma, na va mia i ti gbɛni na. Na woma, ti wovailɔ kɛ ti haanga. Kɛɛ Ngewɔ lahedi wumbunga wa va gbɔma a ndunyama Alijɛni na Adam tia Iv ti baani la, nasia va ti longɔ a ngie.

Ye ndunyama Alijɛni na hu, kpalɛ ɛɛ ya la numu ma na, tao ndilɛli a yɛɛ na. Numui kpɛlɛ a yɛɛ na a sɛntiya kɛ kohunɛ, sia lee Ngewɔ longɔ yɛla i yɛ na haala. Mu wama kaa wuema sia Ngewɔ wama na wue ma la.