Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 50

Nyaha Liigbangɔ Felenga

Nyaha Liigbangɔ Felenga

JI KPUNDEI yɛ a Isuɛlbleisia mali, ti yɛɛ a wɔɔ Jɛhova gama kɔ i gbɔ ti ma. Jɛhova yɛɛ a ti wo mɛni ji i yɛ a tookuleisia ve ti wɛ gbɔ va ti ma. Baibui ye tookulei jisia loilɔ a nyamanga ɔɔ kitileebla. Jɔsua mia kitileemui ye haala yi le. Ngi haangoi woma, Jɛhova loko looilɔ kitileebla yepekeisia ma. Ye kitileeblei jisia ti lɛnga mia a Ɔtniɛl, Ehud, kɛ Samgaa. I gbua na ma, nyaha felenga ti gbɔilɔ Isuɛlbleisia ma, ti yɛni a Dɛbola lɔ tia Jeɛl.

Dɛbola yɛni a Ngewɔ lutui lɔ. Jɛhova yɛɛ a hugɛ a ngie na wama wuema kulɔma kɛ i ndenga nunga ma, tao i yɛɛ a kiti lee gbɔma. I yɛ a hei tɔkpɔ yia bu lɔ nunga ta wa ngi gama, kɔ i kiti lee ti luahu.

A wati na, Jebin mia yɛ Kenaan lɔlei mahu. Kɔgɔgongolo gaŋaasia ti yɛɛ ngi yeya kungɔ a 900. Jebin gɔgɔbleisia ti gbayangɔ wa yɛla, ji pieilɔ Isuɛlbleisia gbotoma ti wote a ngi bɔilupuisia. Sisela mia yɛ looni Jebin gɔgɔbleisia gulɔ.

Foo yia ma, Dɛbola ngi mba kitileemɔ yia loilɔ, na ngi biyei mia a Belak, kɛ i ndenga ngi ma yɛɛ: ‘Jɛhova yɛ bi kɔgɔbla 10,000 wumbu, wua tieni wu li Tebɔɔ Yii ya. Yɛɛ a pie lɔ Sisela tia ngi gɔgɔbleisia ti li ti bi mali ngiyi bu. A ti waa lɔ bi yeya, wu ti waa.’

Kɛɛ Belak ndeilɔ Dɛbola ma yɛɛ: ‘Ina ba luma lɔ mua bia mu li, nga li lɔ.’ Dɛbola lumailɔ li va, kɛɛ i ndeilɔ Belak ma yɛɛ: ‘Bɛɛ tɔwɔ majɔɔ Sisela ma, gbɛva see Jɛhova ngi ve ma nyaha yia lɔ wɛ kɔ i ngi waa.’ Tao hi lɔ i wueni.

Belak tia ngi gɔgɔbleisia ti gbuailɔ naa Tebɔɔ Yii ya kɔ ti yei Sisela tia ngi gɔgɔbleisia mahu. Gama, kɛ Jɛhova pienga njei i ndɔlei ma wumbu, kɛ i Sisela gɔgɔbleisia kpɛlɛ mahu gbɔlinga. Kɛɛ Sisela gbuailɔ naa ngi gɔgongolo gaŋaa hu i lee a pimɛ.

Wati lɛnga leengɔ woma, Sisela foilɔ Jeɛl gula wɛlei la. Kɛ Jeɛl ngi loinga ngi gula wɛlei bu kɛ i ngi gɔnga a nɔni ɔɔ miliki kpɔli va. Ji pieilɔ jimɛi i ngi lɔ, kɛ i laa i wili jii wa hu. Kɛ Jeɛl kula wɛlɛ hou wulu yafɔnangoi wumbunga, kɛ i kpakpanga Sisela wui hu kɛ i haanga. Na woma, Belak waailɔ kɛ Jeɛl Sisela womi gɛnga a ngie. A tɔnya na lee Dɛbola ndeni ta mia wueni.

Na kpɛlɛ leengɔ woma, ti Jebin bɛ waailɔ kɛ Isuɛlbleisia ti ndilɛi majɔɔnga gbɔma.