Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 45

Isuɛlbleisia Ti Jɔdan Yei Leeilɔ

Isuɛlbleisia Ti Jɔdan Yei Leeilɔ

ISUƐLBLEISIA lɔ Jɔdan Yei lee ma! Kɛɛ nja gbii mia ti jia ma na. Kɛɛ a wati na, haami mia tao njei vengɔ wa yɛla. Kɛɛ hu ii guani kɛ njei kpɛlɛ bɛlinga? Gbɔɔ wueni? Mu tɔ lɛ naa.

Ji wati foni kɔ Isuɛlbleisia ti Jɔdan Yei lee, Jɛhova ndeilɔ Jɔsua ma kɔ i nde Isuɛlbleisia ma yɛɛ: ‘Saagbuableisia ti kayema gaŋaa wumbu ti gbua kulɔ. A wue lɔ naa kɛ ji ta ti gɔleisia loo Jɔdan Yei hu, ye njei a gbe lɔ a yii la.’

Na woma, saagbuableisia ti kayema gaŋaa wumbuilɔ, kɛ ti gbuanga jiei gulɔ. Ji ti foni Jɔdan Yei ma, fengɔ wa yɛla tao i yɛɛ a yei a pimɛ wa. Kɛɛ sia lee saagbuableisia ti ti gɔleisia looni njei hu, ye njei gbeilɔ a yei la! Bia bi gii la kɛ kabandema hinda wa mia a na? Jɛhova ye njei yiilɔ kpauŋ, hu ii lɛmbini kɛ i gbenga a yei la.

Ji njei bɛlini, saagbuableisia ti lilɔ ye ndiei ti loo na. Bia ti lɔ ma pisoi ji hu? Ti loilɔ looni na haŋ Isuɛlbleisia ti kpɛlɛ ti lee.

Ji numui kpɛlɛ leeni, Jɛhova ndeilɔ Jɔsua ma yɛ i nde hinga gahungɔ 12 ma yɛɛ: ‘A li mia saagbuablei nasia ti looni na a kayema gaŋaa, wu kɔtu 12 wumbu wu ngandɔ mia wu yii ma na a kpɔkoi ji. Kɔ we wu lenga ti wu mɔlinga, gbɛ mia kɔti jisia ti looni fa, wua nde lɔ ti ma wuɛ, ji wu yɛ Jɔdan Yei lee ma, sia lee saagbuableisia ti ti gɔleisia looni njei hu a kayema gaŋaa, kɛ njei gbenga a yei la. Ji a pie lɔ wu gii a kabandema hindei ji.’ Jɔsua yamailɔ gbɔma i kɔtu 12 yandɔ nja kaa ma mia saagbuableisia ti yɛ looni na.

Na kpɛlɛ leengɔ woma, Jɛhova ndeilɔ naa saagbuablei nasia ma kayema gaŋaa yɛ ti gbaki ma yɛɛ: ‘A gbua Jɔdan ya kaa ma.’ Sia lee ti gbuani na, gama kɛ njei tatonga a yei la gbɔma.