Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 31

Mojisi tia Ɛlɔn Ti Lilɔ Fɛlo Gama

Mojisi tia Ɛlɔn Ti Lilɔ Fɛlo Gama

JI MOJISI foni Iijipt, i yɛpɛilɔ Ɛlɔn gama kɔlongɔ tɔmasei nasia ma Jɛhova kɛni a ngie. Tao ji Mojisi tia Ɛlɔn ti tɔmasei jisia gɛni a Isuɛlbleisia, ti lailɔ la kɛ Jɛhova mia ti loonga.

Na woma, Mojisi tia Ɛlɔn ti lilɔ Fɛlo gama ti nde ngi ma tɛɛ: ‘Isuɛlbleisia ti Yewɔwai Jɛhova ndenga yɛɛ: “Pie nya mabla ti li ti nya vɛli folo sawa va ŋanya lɔlei hu.”’ Kɛ Fɛlo ndenga yɛɛ: ‘Ngii lani a Jɛhova. Tao ngii luma ma Isuɛlbleisia ta li.’

Fɛlo lileeilɔ, gbɛva see nunga ti longɔ yɛla ti gbe ngingi ma kɔ ti li ti Jɛhova vɛi. Fale i ti mɔni maatoilɔ ti ma. Isuɛlbleisia ti pɛɛilɔ Mojisi ma kɛ ta mia pienga Fɛlo ti houma a nyamungɔ. Ji Mojisi lii nyanilɔ. Kɛɛ Jɛhova ndeilɔ yɛɛ: ‘Baa bi lii nyani. Nga pie lɔ Fɛlo i gbe nya nunga ma kɔ ti li.’

Mojisi tia Ɛlɔn ti lilɔ gbɔma Fɛlo gama. A wati ji naa, ti kabandema hinda wueilɔ. Ɛlɔn ngi likpoi gulailɔ ndɔɔmi kɛ i wotenga a kali lakpa wa. Kɛɛ Fɛlɔ yosoloigableisia bɛ ti ti likpoisia wili lɔ, kɛ ti wotenga a kalisia. Kɛɛ kpe lɛ! Ɛlɔn nda gali lɔ ti nda galisia gbɔima. Kɛɛ tuŋ Fɛlo ii gbei Isuɛlbleisia ma kɔ ti li.

Kɛɛ wati foilɔ naa kɔ Jɛhova i taikpe gɛ a Fɛlo. Bi kɔɔ lɔ gbɔɔ i pieni? I pieilɔ kpundɛ puu i yei Iijiptbla ma.

Ji kpundei ye ngla gbi yɛ a yei, Fɛlo a Mojisi loilɔ i nde yɛɛ: ‘Pie kpundei ji i gɛlɛ, nga gbe lɔ wu ma wu li.’ Kɛɛ ji lee kpundei a gɛlɛ, Fɛlo ɛɛ luma kɔ ti li. Kɛɛ ji Ngewɔ wani a kpundei ye kɛlɛma yi, Fɛlo gbeilɔ Isuɛlbleisia ma ti li.

Kpundɛ puui jisia kpɛlɛ bi ye ngla gbi gɔɔ lɔ? Mu kaa wue lɛ naa kɔlongɔ ti ma.