Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 20

Daina Wuilɔ Kpundɛ Hu

Daina Wuilɔ Kpundɛ Hu

BI NUNGEI jisia gɔɔ lɔ Daina wama ti gama? I wama Kenaan nyaha lengeisia lɔ gama. Bi giingɔ la kɛ ngi kɛkɛ gohu a nɛilɔ ji ma? Kɔ mu mɔli ji gbɛmbo, gii lɛ a na Eblaham tia Aisak ti ndeni kɔlongɔ Kenaan nyaha lengeisia ma.

Eblaham ii yɛ loni kɔ ngi lui Aisak i heinyɔya wue a Kenaan nyaha lengeisia. Aisak tia Libɛka bɛ, tii yɛ loni kɔ ti lui Jekɔb i heinyɔya wue a Kenaan nyaha lengeisia. Bi kɔɔ lɔ gbɛva le?

Nungei nasia ti yɛ Kenaan, ti yɛ a ndɛ yewɔisia lɔ vɛi. Tii yɛni a nunga yekpenga nahi numu a heinyɔya wue a tie ɔɔ a ndiamɔyia gbatɛ a tie. Fale, mu kɔɔ lɔ kɛ Jekɔb gohu ɛɛ nɛɛ ina i kɔɔilɔ kɛ ngi lui lɔ ndiamɔyia gbatɛ ma a Kenaanbla.

Daina wuilɔ kpundɛ hu. Bia keni na lɔ ma looni mia a Daina gbee? Kenaanmui mia. Ngi biyei mia a Sikɛm. Foo yia ma ji Daina lini vama ngi ndiamuisia ma Kenaan, keni ji gbundɛilɔ ngi ma i la a ngie. Hinda nyamu wa mia a na i pieni. Gbɛva see ii gui hindui i la a nyahin na tia ta tii ya heinyɔya wueni. Hindei ji Sikɛm pieni a Daina, i wailɔ a kpundɛ wa.

Ji Daina ndeengeisia ti hindei ji humɛini, ti lileeilɔ wa. Kɛ Simiɔn tia Liivai ti kɔboweisia wumbunga, kɛ ti ya Kenaan. Ti ndeengei yepekeisia bɛ ti gbɛɛilɔ ti ma kɛ ti Sikɛm waanga kɛ hingei nasia kpɛlɛ ti yɛ Kenaan. Ji Jekɔb humɛini na ngi hinga lengeisia ti pieni, i lileeilɔ wa.

Kɛɛ kpundei ji kpɛlɛ ye tatoni? Ndiamɔyei na Daina kpatɛni a nasia tii yɛ a Ngewɔ jaweisia hou, ta mia wani a na kpɛlɛ. Ba lo lɔ bi ndiamɔyia gbatɛ a nungei nasia bonda?