Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 18

Jekɔb Lilɔ Helaan

Jekɔb Lilɔ Helaan

BI NUNGEI jisia gɔɔ lɔ Jekɔb yɛpɛ ma ti gama? Ji Jekɔb foni Helaan gblanga, ta mia i hingei jisia maini nja lowa yia la ta ti mbalanga mahugbe. Kɛ Jekɔb ti mɔlinga yɛɛ: ‘Wu gbuani tei ye gbɛ hu lɔ?’

Kɛ ti ndenga tɛɛ: ‘Helaan.’

Kɛ Jekɔb ti mɔlinga yɛɛ: ‘Wu Leban gɔɔ lɔ?’

Kɛ ti kpɛmbonga tɛɛ: ‘Ɔɔ, hɛ ngi nyaha lui Lesɛl gbe mia wama a ngi kɛkɛ mbalanga.’ Bia Lesɛl lɔ ma miando wama?

Ji Jekɔb i Lesɛl lɔni, i lilɔ i kɔti gbua nja lowei la, kɔ mbalanga ti njei gbɔi. Kɛ Jekɔb ya i Lesɛl gulu kɛ i ndenga ngi ma yɛ ngi kɛkɛ ndeewui lui mia a ngie. Lesɛl gohunɛilɔ wa kɛ i ya pɛɛla a pimi i nde ngi kɛkɛ Leban ma.

Leban gohunɛilɔ wa Jekɔb walei ma. Ji Jekɔb ndeni yɛɛ ngi longɔ tia Lesɛl ti hei, ngi gohunɛilɔ i lee kpɛlɛ ma. Kɛɛ Leban ndeilɔ Jekɔb ma kɔ i ngi mbalanga mahugbe fo wɔfla va, pɛiŋ aa ya Lesɛl ve ngi wɛ. Jekɔb lumailɔ pie va, gbɛva see ngi longɔ wa yɛla a Lesɛl. Kɛɛ ji wati foni kɔ Leban i Lesɛl ve Jekɔb wɛ, bi kɔɔ lɔ gbɔɔ wueni?

Leban i Liia lɔ veni Jekɔb wɛ ngi nyaha lui ye sɛmbei. Kɛɛ Jekɔb i Leban mbalanga mahugbeilɔ gbɔma fo wɔfla va, kɛ Leban i Lesɛl bɛ venga ngi wɛ. A wati na, Ngewɔ yɛɛ a luma hindui i nyahin majɔɔ teengɔ yia ma. Kɛɛ siahuna ta, Baibui yɛ nyaha yakpe mia kungɔ hindui i majɔɔ.