Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 17

Flangei Nasia Tii Yɛ Gbuani A Yee

Flangei Nasia Tii Yɛ Gbuani A Yee

HINDO lupui jisia bi ti lɔ ma mbei, tii gbuani a yee hiye? Bi ti biyei gɔɔ lɔ? Hua gbɛmui ji biyei mia a Iisɔɔ, ye na mbalageisia mahugbe ma, ngi biyei mia a Jekɔb.

Aisak tia Libɛka mia ti flangei jisia leni. Aisak longɔ wa yɛla a Iisɔɔ, gbɛva see i yɛɛ a kpei wue a wa a huiŋ ti va. Kɛɛ Libɛka ta ngi longɔ wa yɛla a Jekɔb lɔ, gbɛva see ngi ma londongɔ wa yɛla tao ii yɛ a fawei gɔi.

A wati na ti maada Eblaham yɛɛ tuŋ ndɛvui hu. Jekɔb gohunɛingɔ wa yɛla wolo va ngi maada ma, ji i yɛ a yɛpɛ ngi gama kɔlongɔ Jɛhova ma. Eblaham haailɔ ji ngi vui yɛni a 175, a wati na, flangei jisia ti vui yɛni a 15 lɔ.

Ji Iisɔɔ yɛni a fo 40, i nyaha felenga gɔilɔ Kenaan. Ji Aisak tia Libɛka lii nyani lɔ wa, gbɛva see ye nyahangei jisia tii yɛ a Jɛhova vɛi.

Foo yia ma, hinda wueilɔ na pieni Iisɔɔ lii i lee ngi ndii Jekɔb ma huleengɔ gboŋ. Wati foilɔ kɔ Aisak i ngi haala hindolui luba. Iisɔɔ yɛɛ a gii la kɛ ta mia ngi kɛkɛ a ngi luba, gbɛva see ta mia haala lui a ngie. Kɛɛ Iisɔɔ yɛ lubei ji majianga Jekɔb ma. Tao Ngewɔ yɛ ndenga kɛ Jekɔb mia a ye lubei ji majɔɔ. Tao himia lɔ i wueni. Aisak i Jekɔb lɔ lubani.

Ji Iisɔɔ kɔɔni kɛ himia hindei wuenga, ngi lii leeilɔ Jekɔb ma. Kɛ i ndenga yɛ i ngi waa ma. Ji Libɛka humɛini, ngi lii nyanilɔ wa. Fale, i ndeilɔ Aisak ma yɛɛ: ‘A nyamu lɔ wa ina Jekɔb bɛ nyaha jɔɔ lɔ Kenaan lɔlei ji hu.’

Na woma, Aisak Jekɔb loilɔ kɛ i ndenga ngi ma yɛɛ: ‘Baa nyaha gɔi Kenaan nyaha lengei jisia lia. Li Helaan, bi maada Bɛtuɛl yetahu, bi nyahin gɔi na, Leban nyaha lengeisia lia.’

Jekɔb woloilɔ ngi kɛkɛ ma, kɛ i gbuanga yakpe li va Helaan.