Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 1

Ngewɔ Tatoilɔ a Haiŋsia Gbatɛ La

Ngewɔ Tatoilɔ a Haiŋsia Gbatɛ La

NGEWƆ mia haiŋsia kpɛlɛ gbatɛni ngelegohu kɛ ndunyi ji ma. I fuli gbatɛilɔ kɔ i fufui ve muɛ a fuli, kɛ i ngawui kɛ ndumbekeisia gbatɛnga fofo ve va muɛ a kpindi. Ngewɔ ndunyi gbatɛilɔ kɔ mu yɛ na.

Kɛɛ haiŋ jisia yeso yana Ngewɔ aa ti gbatɛ. Bi haala haiŋ gɔɔ lɔ Ngewɔ kpatɛni? Maikeisia mia haala haiŋsia le Ngewɔ ti gbatɛni, ngafanga mia a tie. Sia lee, muɛ Ngewɔ lɔ tia bɛ muɛ ti lɔ. Ngewɔ ti gbatɛilɔ kɔ tia tieni ti yɛ ngelegohu.

Haala maikei Ngewɔ kpatɛni i yɛ gba. Tao ngi haala Hindolui mia. Ye maikei ji gbɔilɔ Ngewɔ ma haiŋ yepekeisia kpɛlɛ gbatɛ va. Sia nyikɔ fuli na, ngawui, ndumbekeisia kɛ ndunyi ji.

Ndunyi ye yɛna a wati na? Gbɛogbɛ gbii yɛ ndunyi hu a wati na. Njei mia yɛ ndunyi kpɛlɛ ma gbɔingɔ. Kɛɛ Ngewɔ longɔ yɛla nuuvuisia ti yɛ ndunyi ji ma. Gbɛ mia Ngewɔ pieni kɔ i ndunyi hu gbatɛ mu va?

Ndunyi hu gbindingɔ yɛla. Fale, Ngewɔ fuli gbatɛilɔ kɔ i fofo ve ndunyi wɛ. I kpatɛilɔ a pili na huwue ngee a wo tao kpindi a wɛɛ. Na woma, Ngewɔ pieilɔ njei i yandɔ hinda yia kɔ ndɔlei ma i gɛ.

Kɛɛ gbɛogbɛ gbi ii yɛ ndɔɛ ma a wati na, sia lee bi tɔ ma la pisoi ji hu. Tuhainga tii yɛ na, ngulunga, fuhainga tao nyɛ bɛ ii yɛ nja hu. Ngenge gboto yɛɛ tuŋ Ngewɔ yeya pie va, kɔ fuhaiŋsia kɛ nuuvuisia ti yɛ ndunyi ji ma.