Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 7

Kena Liigbangɔ Yia

Kena Liigbangɔ Yia

JI NUNGA ti gbotoni ndunyi ma, ti gboto ma ti tooilɔ Keen ma a hinda nyamu wue lei. Kɛɛ na hu gbi, kena yia yɛɛ a na wue Ngewɔ longɔ la. Ngi mbiyei mia a Inɔk, ngi liigbangɔ wa yɛla. Sia bɛ nungei nasia kpɛlɛ tia tieni ti yɛ na tii yɛ a Ngewɔ liima hinda wue, kɛɛ Inɔk ta yɛɛ tuŋ a na wue Ngewɔ longɔ la.

Bi kɔɔ lɔ gbɛva mia nunga nyamuisia ti gbotongɔ wa yɛla a wati na? Gii lɛ, ye mia pieni Adam tia Iv ti Ngewɔ layei gbuani hu kɛ ti nguwei na mɛnga Ngewɔ ndeni ti ma yɛ taa mɛ? Maika nyamu yia mia. Baibui ngi loilɔ a Setana. Tao taa lapi ma kɔ numui kpɛlɛ i woove Ngewɔ ma.

Foo yia ma, Jɛhova Inɔk looilɔ kɔ i nde nunga ma kɛ i wama nunga nyamuisia kpɛlɛ jukuu ma. Bii gii la kɛ nunga ti lileeilɔ tao ti juya a Inɔk jifa tii yɛ loni ti njɛpei na humɛi i yɛ a nde? Tao kɛnga ti yɛɛ a gili pɛiŋ kɔ ti ngi waa. Famia kungɔ yɛla Inɔk lii i gba Ngewɔ layei le va.

Inɔk ii lɛmbini nunga nyamui nasia lia. Fo 365 mia lee Inɔk yɛna kɛ i haanga. Gbɛva mia mu ndeni kɛ fo 365 mia lee Inɔk yɛna? Gbɛva see, nunga ti gbaukpaungɔ wa yɛla a wati na tao ti yɛɛ a lɛmbi. Inɔk lui vui Mɛtusela, fo 969 mia i yɛna pɛiŋ aa ya haa.

Inɔk haangoi woma, nunga ti yɛɛ lee a lɛ gulɔma a hinda nyamui wue la. Baibui ndeilɔ kɛ ‘wati gbi lee hinda nyamui mia ti yɛ a gii la,’ tao kɛ ‘ndunyi hu laveilɔ kpauŋ a ndapindapi.’

Bi kɔɔ lɔ gbɛva mia nyamui gbotoni ndunyi hu a wati na? Gbɛva see, Setana guilɔ pele nina ma sia a ye gula nunga ma kɔ ti hinda nyamuisia wue. Mu kaa wue lɛ naa kɔlongɔ ji ma.