Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

 NDƆMI YE 3

Hindui kɛ Nyahin Ye Haala Yi

Hindui kɛ Nyahin Ye Haala Yi

GBƐ mia ninangɔ pisoi ji hu? Nunga mia. Tia mia haalabla a tie. Ti biyei mia a Adam tia Iv. Ye mia ti gbatɛni? Ngewɔ mia. Bi ngi biyei gɔɔ lɔ? Ngi biyei mia a Jɛhova.

Jɛhova ye Adam gbatɛni? I ngi gbatɛni a pɔlei lɔ, kɛ i ndɛvu vɛfei wunga ngi hokpala, kɛ Adam wotenga a nuuvui.

Jɛhova ngenge veilɔ Adam wɛ pie va. I ndeilɔ ngi ma kɔ i mbiyei ve fuhaiŋsia kpɛlɛ wɛ. Bii gii la kɛ Adam fuhaiŋ jisia yabɛɛilɔ wati huguangɔ va kɔ i mbiyei na gɔɔ a fe ye ngla gbi wɛ? Ji Adam yɛ a ti biyeisia hei, i lii heilɔ hinda yia ma. Bi kɔɔ gbɛ mia?

I tɔilɔ kɛ fuhaiŋsia kpɛlɛ ti yɛ fele fele ma lɔ, ye hei kɛ ye hini. Kɛɛ Adam ta nyaha gbi ii yɛ ngi yeya. Fale, Jɛhova pieilɔ Adam i wili jii wa hu, kɛ i ngi yaka galɛ yia gbuanga, i nyahin gbatɛ la ngi va.

Adam gohunɛilɔ wa! Tao bia bi gii la kɛ Iv bɛ ngi gohunɛingɔ yɛla yɛ va kata nyande wai na hu? Ta gulɔ naa ti ndenga le tao ti yɛ na a kohunɛ.

Jɛhova longɔ yɛla Adam tia Iv ti yɛ na kunafɔ va. Tao kɔ ti ndunyi hu kpɛlɛ gbatɛ, na i wue sia lee katei na hu yɛna. Bia bi gii la kɛ Adam tia Iv ti gohunɛilɔ wa ji kpɛlɛ wue va? Ina bi yɛɛ na a wati na, bi gohu ii yɛ a nɛɛ gbɔ va ti ma? Kɛɛ ti baailɔ a kohunɛ na ti yɛ hu. Mu tɔ lɛ naa gbɔɔ wueni.