Li mia haiŋ kpɛlɛ na

Li mia kɔlɔngui yepekeisia kpɛlɛ ti na

Jɛhova Jeliwuablesia

Kɛnyɛyei wumbu Mɛnde

KAKA 1

I Hinje Ma Wati Na Maa Ngewɔ Tatoni a Haiŋsia Gbatɛ La i too Wati Na Ma Wɔɔ Njei Ndunyi Ma Gbɔini

I Hinje Ma Wati Na Maa Ngewɔ Tatoni a Haiŋsia Gbatɛ La i too Wati Na Ma Wɔɔ Njei Ndunyi Ma Gbɔini

Ye mia ngelegohu kɛ ndunyi gbatɛni? Ye mia fuli, ngawui, ndumbekeisia kɛ haiŋ kpɛlɛ gbatɛni ndunyi hu? Baibui kpɛmboilɔ mu va kɛ Ngewɔ mia ti gbatɛni. Famia bukui ji tatoo ma a yɛpɛ la Ngewɔ gbatɛ haiŋsia lɔ ma.

Haala haiŋsia Ngewɔ kpatɛni ti yɛni a ngafanga lɔ, ta ti loli a maikeisia. I ti gbatɛni ngelegohu va lɔ, kɛ i ndunyi ji gbatɛnga mu va. Ngewɔ hindui kɛ nyahin gbatɛilɔ ta ti loli a Adam tia Iv kɛ i ti wua kata nyande wa hu ndunyi ji ma. Kɛɛ ti fayailɔ a Ngewɔ kɛ ti baa a kunafɔ lɛvui.

I hinje wati na ma Ngewɔ Adam gbatɛni i too wati na ma njei ndunyi ma gbɔini, fo 1,656 mia. Nunga nyamu gbotonga ti yɛɛ na a wati na. Setana tia ngi maikeisia ti yɛɛ ngelegohu. Ndunyi ji ma bɛ Keen kɛ nunga yekeisia ti yɛɛ na nahi ti nyamungɔ. Tao nunga yekeisia ti yɛɛ na nahi ti gbayangɔ wa huleengɔ gboŋ. Kɛɛ nahu gbi Ebɛl, Inɔk kɛ Noa ti yɛɛ a na wue Ngewɔ longɔ la. Mua kaa wue lɔ kɔlongɔ ji kpɛlɛ ma Kakei ji hu.

 

KAKEI JI MA

NDƆMI YE 1

Ngewɔ Tatoilɔ a Haiŋsia Gbatɛ La

Njia wovei nasia ti nyɛingɔ Jɛnɛsis hu kɔlongɔ kpatɛ haiŋsia ma ti bɛbɛngɔ tao ti nyandengɔ wa—ndenga vui bɛ va.

NDƆMI YE 2

Kata Nyande Wai

Sia Jɛnɛsis bukui ndeni la, pili na Ngewɔ Idɛn gatei hu gbatɛni la, na yɛ gba ndunyi hu kpɛlɛ ma. Ngewɔ longɔ yɛla ndunyi hu kpɛlɛ hu nyande sia lee na yɛ na.

NDƆMI YE 3

Hindui kɛ Nyahin Ye Haala Yi

Ngewɔ Adam tia Iv gbatɛilɔ kɛ ti wunga Idɛn gatei hu. Tia mia haalabla a tie ti heinyɔya wueni.

NDƆMI YE 4

Sabui Na Va Ti Baani a Kata Nyande Wai Na

Jɛnɛsis bukui hugɛilɔ sia nuuvui ye baani a ndunyama alijɛni na.

NDƆMI YE 5

Ti Tatoilɔ a Mɔnɛ La

Ji Adam tia Iv ti gbuani Idɛn gatei hu, kpalɛ gboto lailɔ ti ma. Ina ti yɛ woloilɔ Ngewɔ ma, tia ti lenga ta yɛɛ a yɛ kohunɛ hu.

NDƆMI YE 6

Ndui Ye Kpekpi kɛ Ye Nyamui

Njia wovei nasia ti Jɛnɛsis bukui hu kɔlongɔ Keen tia Ebɛl ma, ti kɛilɔ piehindei nasia kungɔ ti yɛ mu hu—kɛ piehindei nasia kungɔ mu woove ma.

NDƆMI YE 7

Kena Liigbangɔ Yia

Ndiigba hindei na Inɔk pieni i kɛilɔ kɛ ba gu lɔ bi hinda yekpe wue, i gɛ bɛ kɛ nasia kpɛlɛ ti bi gaangɔ ti wuehinda nyamungoi.

NDƆMI YE 8

Nɛfilisia Ti Yɛɛ Ndunyi Hu

Jɛnɛsis 6 kɛilɔ kɛ nunga gbayangɔnga ti yɛɛ wɔɔ ndunyi ji ma ta kpalei la nunga ma. Ti yɛɛ a ti loi a Nɛfilisia, maikei nasia ti gbuani ngelegohu ti wani ndunyi ji ma ti wote a nuuvuisia, tia mia ti ye Nɛfili nasia leni.

NDƆMI YE 9

Noa Ndɛndɛ Wa Gbatɛilɔ

Noa tia ngi mabla ti mabawoilɔ wati na Njavi wani, jifa ti woloilɔ Ngewɔ ma sia bɛ nunga yekeisia tii woloni.

NDƆMI YE 10

Njave Wai

Nunga ti yɛɛ a Noa yɛɛ wati na i yɛ a ti lahi. Kɛɛ ti gbeilɔ a yɛɛ la ji njei tatoni a ndunyi mawumbu la. Kaa wue bi tɔ sia Noa lɛndei ye tia ngi mabla mabawoni la kɛ fuhaiŋ gbotonga.