Nya Baibu Lɔmɛ Bukui

Ndɔmɛ 116 gaa, ti kpuanga Baibui hu. Ye ndɔmɛsia ti lɔnyangɔ, ti gaa la ɛɛ gbɔu, tao ti ti nyɛilɔ panda.

Magoni

Ndɔmɛ jisia ti lɔnyangɔ tao ti kpuani bukui na hu lɔ na teengɔ bukuisia kpɛlɛ ma, Baibui. A yɛpɛ lɔ kɔlongɔ hindei nasia ma ti wuenga i hinje ndunyi lato gbi ma.

NDƆMI YE 1

Ngewɔ Tatoilɔ a Haiŋsia Gbatɛ La

Njia wovei nasia ti nyɛingɔ Jɛnɛsis hu kɔlongɔ kpatɛ haiŋsia ma ti bɛbɛngɔ tao ti nyandengɔ wa—ndenga vui bɛ va.

NDƆMI YE 2

Kata Nyande Wai

Sia Jɛnɛsis bukui ndeni la, pili na Ngewɔ Idɛn gatei hu gbatɛni la, na yɛ gba ndunyi hu kpɛlɛ ma. Ngewɔ longɔ yɛla ndunyi hu kpɛlɛ hu nyande sia lee na yɛ na.

NDƆMI YE 3

Hindui kɛ Nyahin Ye Haala Yi

Ngewɔ Adam tia Iv gbatɛilɔ kɛ ti wunga Idɛn gatei hu. Tia mia haalabla a tie ti heinyɔya wueni.

NDƆMI YE 4

Sabui Na Va Ti Baani a Kata Nyande Wai Na

Jɛnɛsis bukui hugɛilɔ sia nuuvui ye baani a ndunyama alijɛni na.

NDƆMI YE 5

Ti Tatoilɔ a Mɔnɛ La

Ji Adam tia Iv ti gbuani Idɛn gatei hu, kpalɛ gboto lailɔ ti ma. Ina ti yɛ woloilɔ Ngewɔ ma, tia ti lenga ta yɛɛ a yɛ kohunɛ hu.

NDƆMI YE 6

Ndui Ye Kpekpi kɛ Ye Nyamui

Njia wovei nasia ti Jɛnɛsis bukui hu kɔlongɔ Keen tia Ebɛl ma, ti kɛilɔ piehindei nasia kungɔ ti yɛ mu hu—kɛ piehindei nasia kungɔ mu woove ma.

NDƆMI YE 7

Kena Liigbangɔ Yia

Ndiigba hindei na Inɔk pieni i kɛilɔ kɛ ba gu lɔ bi hinda yekpe wue, i gɛ bɛ kɛ nasia kpɛlɛ ti bi gaangɔ ti wuehinda nyamungoi.

NDƆMI YE 8

Nɛfilisia Ti Yɛɛ Ndunyi Hu

Jɛnɛsis 6 kɛilɔ kɛ nunga gbayangɔnga ti yɛɛ wɔɔ ndunyi ji ma ta kpalei la nunga ma. Ti yɛɛ a ti loi a Nɛfilisia, maikei nasia ti gbuani ngelegohu ti wani ndunyi ji ma ti wote a nuuvuisia, tia mia ti ye Nɛfili nasia leni.

NDƆMI YE 9

Noa Ndɛndɛ Wa Gbatɛilɔ

Noa tia ngi mabla ti mabawoilɔ wati na Njavi wani, jifa ti woloilɔ Ngewɔ ma sia bɛ nunga yekeisia tii woloni.

NDƆMI YE 10

Njave Wai

Nunga ti yɛɛ a Noa yɛɛ wati na i yɛ a ti lahi. Kɛɛ ti gbeilɔ a yɛɛ la ji njei tatoni a ndunyi mawumbu la. Kaa wue bi tɔ sia Noa lɛndei ye tia ngi mabla mabawoni la kɛ fuhaiŋ gbotonga.

NDƆMI YE 11

Ninginangei Ye Haala Yi

Bi ye gbi ninginangei lɔni, gbɔɔ kungɔ bi gii la?

NDƆMI YE 12

Nunga Ti Pɛɛ Guangɔ Wa Looilɔ

Ngewɔ gohu ii yɛ nɛɛni, tao na i pieni a tie, i mua bɛ vui vaweingoi.

NDƆMI YE 13

Eblaham Yɛni Wɔɔ A Ngewɔ Ndiamui Lɔ

Gbɛva mia Eblaham nɛnɛ na kpɛlɛ loni woma yɛ ngi yetahu Ɔɔ, i li, i la kula wɛlei bu?

NDƆMI YE 14

Ngewɔ Eblaham Lanayei Hugɔilɔ

Gbɛva mia Ngewɔ ndeni Eblaham ma yɛ i ngi lui Aisak gbua a saa?

NDƆMI YE 15

Lɔt Nyahin Ngi Woma Gbeeilɔ

Mua gaa lɔ na ma i pieni.

NDƆMI YE 16

Aisak Nyaha Yekpe Majɔɔilɔ

Libɛka ye woteni a nyaha yekpe? Ngi nyandi mia ngi woteni la ɔɔ hinda yeka?

NDƆMI YE 17

Flangei Nasia Tii Yɛ Gbuani A Yee

Iisɔɔ mia ti kɛkɛ Aisak longɔ wa yɛla a ngie, ti nje Libɛka ta, Jekɔb mia ngi longɔ wa yɛla a ngie.

NDƆMI YE 18

Jekɔb Lilɔ Helaan

Liia mia tia Jekɔb ti heini haala sia bɛ Lesɛl mia ngi longɔ yɛla a ngie.

NDƆMI YE 19

Jekɔb Ndenga Gboto Majɔɔilɔ

Ndenga 12 nasia Jekɔb ti leni, ti biyei mia yɛ heini kɛnyɛwu 12 nasia ma ti yɛ Isuɛl?

NDƆMI YE 20

Daina Wuilɔ Kpundɛ Hu

Ji wueilɔ ji i ndiamɔya gbatɛni a nasia tii yɛ a Jɛhova vɛi.

NDƆMI YE 21

Josɛfi Ndeengeisia Ti Juyailɔ A Ngie

Gbɛva mia vui ti longɔ yɛla ti ti ndii waa?

NDƆMI YE 22

Ti Josɛfi Wuilɔ Kpindi Wɛlei Bu

Tii ngi wuni na sawa nyani va, ti ngi wuilɔ na jifa ngi wɔnangɔ.

NDƆMI YE 23

Fɛlo Hengailɔ

Nika wɔfilei nasia kɛ mba bengɔ wɔfilei nasia ti yɛ looni hinda yekpe lɔ va.

NDƆMI YE 24

Josɛfi Ngi Ndeengeisia Hugɔilɔ

I ye guni i kɔɔ kɛ kɛ ti ti wuehindei mawovenga?

NDƆMI YE 25

Jekɔb Tia Ngi Mabla Ti Lilɔ Iijipt

Gbɛva mia ti Jekɔb mabla loini a Isuɛlbleisia sia taa ti loi a Jekɔbleisia?

NDƆMI YE 26

Joob Wɔnangɔ Wa Yɛla Ngewɔ Gama

Joob baailɔ a ngi yeya haiŋ, ngi lenga, tao higbɛ wa yeilɔ ngi ma. Ngewɔ mia yɛ a Joob yamɔnɛ?

NDƆMI YE 27

Maha Nyamu Yia Looilɔ Iijipt Mahu

Gbɛva mia i ndeni ngi nunga ma kɔ ti Isuɛlbleisia ti hinga lenga waa?

NDƆMI YE 28

Mojisi Mabawoilɔ

Ji Fɛlɔ sawei lani kɔ ti Hibubla ti hinga lenga kpɛlɛ waa, Mojisi ngi nje ngi lɔwuilɔ kɔ taa ngi waa.

NDƆMI YE 29

Mojisi Wilailɔ I Gbua Iijipt

Ji Mojisi vui guni a fo 40 i giilɔ la kɛ wati hitinga kɔ i Isuɛlbleisia mabawo, kɛɛ hi yana yɛla aa yɛ na.

NDƆMI YE 30

Ngɔmbui Houilɔ Kpɔvoi Ma

Ngewɔ kabande hinda gboto wueilɔ kɔ Mojisi i gu i Isuɛlbleisia gbua Iijipt.

NDƆMI YE 31

Mojisi tia Ɛlɔn Ti Lilɔ Fɛlo Gama

Gbɛva mia Fɛlo ii woloni Mojisi ma aa gbe Isuɛlbleisia ma?

NDƆMI YE 32

Kpundɛ Puu Yeilɔ Iijipt Lɔlei Ma

Ngewɔ kpundɛ puu yeilɔ Iijipt ma, gbɛva see Iijipt mahin Fɛlo, ii lumani i gbe Isuɛlbleisia ma ti li.

NDƆMI YE 33

Ji Isuɛlbleisia Ti Gboya Gbɔli Leweni

Ngewɔ gbɔilɔ Mojisi ma i Gboya Gbɔli bla ndia kɛ Isuɛlbleisia ti jianga ndɔɔma bengoi.

NDƆMI YE 34

Isuɛlbleisia Ti Mɛhɛ Nina Majɔɔilɔ

Mɛhɛ nini ji yɛ a gbua Ngewɔ gama lɔ a wu.

NDƆMI YE 35

Jɛhova Ngi Jaweisia Veilɔ Isuɛlbleisia Wɛ

Sawa fili ye gbɛnga mia teengɔ Sawa Puui nasia ma?

NDƆMI YE 36

Nikalui Kpatɛngɔ a Kani Gbɔli

Gbɛva mia ti ti ganisia gbuani ti woli ya ti kpatɛ a ngewɔ kɔ ti ya fɛi?

NDƆMI YE 37

Kula Wɛlei Hei Wue Va

Lumu wui na kayema gaŋaa yɛ looni na.

NDƆMI YE 38

Hinga 12 Nasia Ti Lini Kenaan Manɛɛ Mi

Njɛpei na manɛɛbla puuisia ti ndeni i yɛ gba na ma ti fili nasia ti ndeni. Njɛpei ye gbɛ mia naa Isuɛlbleisia ta la la?

NDƆMI YE 39

Flaweisia Ti Valeilɔ Ɛlɔn Likpoi Ma

Ngulu bengɔ a ye gu i vale a kpindi yia, nguwuanga ti wua nga?

NDƆMI YE 40

Mojisi Kɔti Maleeilɔ

Ji Mojisi fawa gɔti maleeni njei gbuailɔ hu, kɛɛ Jɛhova liileeilɔ ngi ma.

NDƆMI YE 41

Kali Kpatɛngɔ a Blasi

Gbɛva mia Ngewɔ kali nyamui nasia yeini kɔ ti Isuɛlbleisia nyii?

NDƆMI YE 42

Jakasi Yia Yɛpɛilɔ

Haka gɛilɔ a Jakasi kɛɛ Belam ta ii tɔni.

NDƆMI YE 43

Jɔsua Woteilɔ a Tooklɔmɔ

Kpaukpauya yɛɛ tuŋ Mojisi hu, kɛɛ gbɛva mia Jɛhova Jɔsua looni ngi loomi?

NDƆMI YE 44

Lehab Manɛɛbla Fele Lɔwuilɔ

Lehab ye gbɔni manɛɛbla filisia ma? Gbɔɔ Lehab ndeni yɛ ti pie ngi va?

NDƆMI YE 45

Isuɛlbleisia Ti Jɔdan Yei Leeilɔ

Kabande hinda yia wueilɔ ji saagbuabla ti gbujani njei hu.

NDƆMI YE 46

Jɛliko Magɔlei Wooilɔ

Ngeyei mia pieni pɛɛ ii wooni?

NDƆMI YE 47

Humamui Yɛɛ Isuɛlbleisia Lia

Kpundɛ a yeilɔ kɛnyɛ wu yia ma numu yakpe nda hinda nyamu woma?

NDƆMI YE 48

Gibiɔnbleisia Ti Nɛmahulee Hinda Wueilɔ

Sia bɛ ti ndei gulani Jɔsua-ni wɛ kɛ ti hinda yangilinga a tie, Isuɛlbleisia ti na wueilɔ tuŋ ti lahedi wumbuni pie va.

NDƆMI YE 49

Fuli Ii Yeini

Ji Jɔsua hɛni, Ngewɔ pieilɔ hinda i wue nahi ii ya wɔɔ gba a wueni.

NDƆMI YE 50

Nyaha Liigbangɔ Felenga

Belak mia looni Isuɛlbleisia ti gɔ gɔbleisia gulɔ ti li kɔ gɔmi, kɛɛ gbɛva mia Jeɛl ta ye tɔwei majɔɔni?

NDƆMI YE 51

Luut tia Neomi

Luut gbuailɔ ngi yetahu i too Neomi woma tao i woteilɔ a Jɛhova mamɔ.

NDƆMI YE 52

Gidiɔn tia Ngi Gɔgɔbla 300 Sia

Ngewɔ ndeilɔ Gidiɔn ma i kɔgɔbleisia wumbu a ji a ti mabɛɛ pili na ta njei gbɔli la.

NDƆMI YE 53

Jɛfita Lahedi Wumbuilɔ

Lahedi na Jɛfita mbumbuni Jɛhova gama i ngi lui vaweilɔ.

NDƆMI YE 54

Kpayamɔ Wai

Dilaila ye kɔɔni na a Samisin gɔ a kpayei?

NDƆMI YE 55

Hindolopo Yia Yɛɛ A Yenge Ngewɔ Gula Wɛlei Bu

Ngewɔ Samuɛl yayengeilɔ a wati na ngi gulɔngɔ kɔ i ngi layiei le Ilai ma, Saagbuamɔ Wai.

NDƆMI YE 56

Sɔɔl, Isuɛlbleisia Ti Haala Mahin

Mua hinda gaa lɔ kɔlongɔ na ma wueni a Sɔɔl, ji Ngewɔ loko looni ngi ma kɛ ji Ngewɔ gbua ngi woma.

NDƆMI YE 57

Ngewɔ Loko Looilɔ Devidi Ma

Gbɔɔ Ngewɔ tɔni Devidi hu nahi ngi lutui Samuɛl ta ii tɔni?

NDƆMI YE 58

Devidi tia Golaya

Ndavula gbama yana Devidi aa lapi la a Golaya, numu mia gbɔni ngi ma tao ye numui na gbayangɔ kɛlɛma gbi ii ma.

NDƆMI YE 59

Sabui Na Va Devidi Wimɛni Sɔɔl Yeya

Sɔɔl gohunɛingɔ yɛla Devidi ma haala, kɛɛ wati lɛnga woma, i juyailɔ a ngie. Gbɛva mia i juyani a ngie?

NDƆMI YE 60

Abigɛl tia Devidi

Abigɛl ngi hini loilɔ a nguhubaamɔ, kɛɛ i ngi lɛvui mabawoilɔ wati wulo va.

NDƆMI YE 61

Devidi Woteilɔ a Mahin

Hindei nasia Devidi yɛ a pie kɛ nasia i yɛ a sabai ma pie va i kɛilɔ kɛ ngi mahoungɔ yɛla wote va a mahin Isuɛl mahu.

NDƆMI YE 62

Kpundei Yɛɛ Devidi Ye Pɛɛ Bu

Kpulanga yakpe Devidi pieni, na wailɔ a kpundɛ wa ngi mahu tia ngi mabla fo gboto va.

NDƆMI YE 63

Sɔlɔmɔn Nɛmahu Leengɔ Wa Yɛla

Mahin Sɔlɔmɔn longɔ vui yɛla i ndolaa na lee ndia?

NDƆMI YE 64

Sɔlɔmɔn Hɛ Wɛlei Looilɔ

Sia bɛ Sɔlɔmɔn nɛmahuleengɔ yɛla gboŋ, ngi nyahanga ti pieilɔ i kpulanga hinda wa wue.

NDƆMI YE 65

Ti Mahawui Luahu Gɔlɛilɔ

Sia lee Jɛloboam tatoni a mahayei yayenge la kɛ i pienga Isuɛlbleisia ti Ngewɔ jaweisia nyani.

NDƆMI YE 66

Jesibɛl—Nyaha Nyamu Yia

Haiŋ gbi lee Jesibɛl longɔ la yɛla a lapi kɔ i yɛ a ngi woo.

NDƆMI YE 67

Jɛhosafat Lanaya Wuilɔ Jɛhova Hu

Gbɛva mia nunga ti yɛ lima kɔ gɔma kɛ ti ngole yaabla loonga ti gulɔ nahi kɔ haiŋ gbi ii ti yeya?

NDƆMI YE 68

Hinga Lenga Felenga Ti Yamailɔ Ndɛvui Hu

Numui na haanga a gu lɔ i yama gbɔma ndɛvu hu? Hinda mia na yɛ wuenga wɔɔ!

NDƆMI YE 69

Nyahalo Yia Gbɔilɔ Kɔgɔgugba Yia Ma

Kabandema hinda wueilɔ ji i yɛpɛni a ndiiloo.

NDƆMI YE 70

Jona tia Nyɛ Lakpa Wai

Jona hinda yekpe gaailɔ kɔlongɔ na ma a gbua ji hu ba na wue Jɛhova longɔ la.

NDƆMI YE 71

Ngewɔ Lahedi Wumbunga Wa Va a Ndunyama Alijɛni

Ndunyama Alijɛni ye haala yi yɛ lee kaka yia lɔ ma, kɛɛ ye ji ta, ndunyi kpɛlɛ mia a wote a Alijɛnɛ.

NDƆMI YE 72

Ngewɔ Gbɔilɔ Hɛsikaya Ma

Maika yia Asilia gɔgɔbla 185,000 waailɔ kpindi yakpe.

NDƆMI YE 73

Isuɛl Maha Yekpisia Ye Kɛlɛma Yi

Sia bɛ Josaya gulɔngɔ yɛla, i ndiiloo hinda wueilɔ.

NDƆMI YE 74

Kena Yia Yɛɛ Na Nahi Nduwa Gbii Yɛ Ngi Hu

Jɛlimaya yɛɛ a gii la kɛ ngi gulongɔ wa wote va a Ngewɔ lutui, kɛɛ Ngewɔ yɛ kɔɔ lɔ kɛ a gu lɔ i wote a ngi lutui.

NDƆMI YE 75

Hiibu Hinga Lenga Naanisia

Ti looilɔ kpauŋ Jɛhova liima hindei wue va sia bɛ tii yɛ ti mabla gbilanga.

NDƆMI YE 76

Jelusalɛm Hu Nyanilɔ

Gbɛva mia Isuɛlbla ti juwuisia ti Jelusalɛm nyanini?

NDƆMI YE 77

Tii Lumani Ta Wɛɛ Kani Gbɔlu Mahawangoi Gulɔ

Ngewɔ Hiblu hinga lenga sawei nasia mabawoilɔ ji ti ti wilini ngɔmbui na hu?

NDƆMI YE 78

Kɔlɔ Nyɛingoi Pɛlei Ma

Ngewɔ Lutui Daniɛl njia naani ye mbui gɛilɔ nahi numu gbi ii yɛ mbu gɔɔ.

NDƆMI YE 79

Daniɛl tia Kɔlinga

Sawei gulailɔ Daniɛl ma ngi waa va, kɛɛ a yɛɛ yɛla a gu i sabai hei na ma?

NDƆMI YE 80

Isuɛlbleisia Ti Yamailɔ Jelusalɛm

Kulɔma yiei ye ngila wueilɔ ji Pasia mahin Sailɔs Babilɔn gbuani, i baa na ma, i pieilɔ yepekei i wue.

NDƆMI YE 81

Isuɛlbleisia Ti Lilooilɔ Ngewɔ Ma

Isuɛlbleisia ti nuuvui nda jawei nyani lɔ kɔ ti gu ti Ngewɔ ndei hou. Bi giingɔ la Ngewɔ ti lubailɔ na va?

NDƆMI YE 82

Mɔdikaya tia Ɛsita

Vasitai, mahin nyahin nyandengɔ yɛla, kɛɛ Mahin Ahasilɔs gbeleilɔ ngi ma Ɛsita va. Gbɛva le?

NDƆMI YE 83

Ti Jelusalɛm Magɔlei Looilɔ Gbɔma

Ji ti yɛ Jelusalɛm magɔlei looma, ngengebla ti gɔ hakei yɛɛ ti gbila a folo kɛ kpindi.

NDƆMI YE 84

Maika Yia Gɛilɔ a Mɛɛli

I gbuailɔ a ngowi Ngewɔ gama kɛ: Mɛɛli wa ma ndo lema na a wote a maha kunafɔ va.

NDƆMI YE 85

Ti Yesu Leni Huanga Ti Kuli hu Lɔ

Numui na kungɔ i wote a mahin kulɔma, gbɛva mia kɛ ta ngi le huanga ti kulu hu?

NDƆMI YE 86

Ndumbeke Looilɔ Hinga Lɛnga Gulɔ

Ye mia mia gɛni ti Yesu leni na a ndumbeka lɔtɔgbɛblei nasia? Ye kpɛmbui a guala lɔ bi ma.

NDƆMI YE 87

Ti Yesu Lɔilɔ Ngewɔ Hɛ Wɛlei Bu

Njɛpei nasia i yɛ a nde ti gualailɔ nasia bɛ vui ma ti yɛ a nunga gaa Ngewɔ hɛ wɛlei bu.

NDƆMI YE 88

Jɔn Yesu Baptaisilɔ

Jɔn yɛ a jumbubla lɔ bapitaisi, kɛɛ Yesu ii jumbu hinda wueni folo yia bɛ. Gbɛva mia naa Jɔn ngi bapitaisini?

NDƆMI YE 89

Yesu Felegɔbla Gbɛilɔ Hɛ Wɛlei Bu

Ndomi na yɛ ngi lii hu Jɛhova va ta mia pieni i liilee.

NDƆMI YE 90

Yesu tia Samelia Nyaha Yia

Njei na Yesu yɛ a yɛpɛ kɔlongɔ ma, a ye pie nyahin na kpɔinga nja gbɔima ɛɛ ya ngi lɔ klobɛɛ va?

NDƆMI YE 91

Yesu Nunga Gaailɔ Ngiyi Ya

Nɛmahulee jɔɔ na hu Yesu nunga gaani la ngiyi ya.

NDƆMI YE 92

Yesu Haabla Wuilɔ Hei Hu

Yesu Ngewɔ gbayei yayengeilɔ Jailɔs nyahalui wu va hei hu, i njia felekpe lɔ lee leni kɛ ye ndopui wunga hei hu.

NDƆMI YE 93

Yesu Nunga Taosi Gboto Gɔilɔ

Gbɔɔ mua kaa ji ma Yesu kanako hindei na wueni nunga taosi gboto gɔ va.

NDƆMI YE 94

Yesu Loilɔ a Ndopo Mumuisia

Yesu pieilɔ ngi gaalupuisia ti kɔɔ kɛ hinda gboto lɔ na ta gu ti kaa ndopo mumuisia ma.

NDƆMI YE 95

Kɛyi Na Yesu Yɛ A Nunga Gaa La

Wati gbotoma ndɔmi mia Yesu yɛ a kpua nunga gaa va, tɔmasei mia a ndɔmi na i kpuani kɔlongɔ Sameliamui na ma.

NDƆMI YE 96

Yesu Higbɛbla Haleilɔ

Nafei ye gbɔɔ gbuani kabande hindei nasia kpɛlɛ hu Yesu pieni?

NDƆMI YE 97

Yesu Lilɔ Jelusalɛm Sia Mahin Na

Nunga gboto ti gohunɛilɔ ngi ma, kɛɛ nunga kpɛlɛ yana ti gohu aa nɛi ngi ma.

NDƆMI YE 98

Yesu Yɛɛ Ɔliv Yii Ya

Yesu yɛpɛilɔ ngi gaalopuisia ti naani gama kɔlongɔ hindei nasia ma ti wuema ha mu nda wati ji hu.

NDƆMI YE 99

Tewemahu Gomi Ye Kɛlɛma Yi Yesu Houni

Gbɛva mia Yesu ndeni ngi womableisia ma kɔ ti yaa a komi ji hou fo gbi?

NDƆMI YE 100

Ti Yesu Houilɔ Ngi Waa Va

Gbɛva mia Judas Yesu kisini a baya?

NDƆMI YE 101

Ti Yesu Waailɔ

Ji ti Yesu gbakpani nguli ma, i lahedi wumbuilɔ kena yia gama ndunyama Alijɛni va.

NDƆMI YE 102

Yesu Wuilɔ Hei Hu

Ji maikei kɔti gbuani Yesu gambei lama, na sojeisia ti tɔni kambei hu i ti hugbɛlilɔ wa.

NDƆMI YE 103

Yesu Gɛilɔ a Ngi Womableisia

Gbɛva mia Yesu gaalupuisia ti yakani ngi ma ji i wuni hei hu?

NDƆMI YE 104

Yesu Yamailɔ Ngelegohu

Pɛiŋ Yesu aa ya yama ngelegohu, i ngi gaalupuisia looilɔ ngenge yia ma pie va.

NDƆMI YE 105

Ngafa Yekpi Yeilɔ Yesu Womableisia Ma

Gbɛva mia Yesu bawo yafei yeini ngi gaalupuisia ma Pɛtikɔsi vuli ma?

NDƆMI YE 106

Toobla Ti Mabawoilɔ Kpindi Wɛlei Bu

Juubla ti yewɔvɛi lookuleisia ti toobla houilɔ kɛ ti ti wunga kpindi wɛlei bu kɔ ti gbe a yɛpɛ la kɔlongɔ Yesu ma, kɛɛ Ngewɔ hinda wueilɔ na woma.

NDƆMI YE 107

Ti Sivin Mahɔɔilɔ

Ji ti yɛ Sivin mahɔɔma i hɛ maminingɔ wa wueilɔ.

NDƆMI YE 108

Yesu Yɛpɛilɔ Sɔɔl Gama Ji I Yɛ Lima Damaskɔs

Fofo wai na kɛ ngui na gbuani ngelegohu, i pieilɔ Sɔɔl i ngi wuehindei mawove.

NDƆMI YE 109

Pita Lilɔ Kɔnilɔs Gama

Ngewɔ i kɛnyɛwu gbi wumbuilɔ i le kɛnyɛwu yekeisia kpɛlɛ ma?

NDƆMI YE 110

Pɔɔl tia Timɔti

Timɔti gbuailɔ ngi yetahu i gbɛɛ Pɔɔl ma kɔ ti li Ngewɔ layia lemi.

NDƆMI YE  111

Pɔɔl Hindolopo Yia Wuilɔ Hei Hu

Yutikɔs yiilɔ ji Pɔɔl yɛ ngi yɛpei ye haala yi vema. Kabande hinda wa wueilɔ ji i kpɔyɔni a njɛpei ye haala yi ve la.

NDƆMI YE 112

Ndɛndei Wuilɔ a Pɔɔlni

Ji ti kpɛlɛ ti yɛ a gii la kɛ tii bawoma, Pɔɔl ngowi majɔɔilɔ na gbuani Ngewɔ gama, na pieilɔ kɔ ti ndiilooma majɔɔ.

NDƆMI YE 113

Wati Na Pɔɔl Yɛ Lom

Pɔɔl ye guni i toopoma yingi wue ji ngi magbangɔ yɛla?

NDƆMI YE 114

Nunga Nyamuisia Tɛɛ Ya Yɛna

Gbɛva mia Ngewɔ wa ma Yesu looma tia ngi gɔgɔbleisia Amagɛdɔn goi gɔ va?

NDƆMI YE 115

Ndunyi Ji A Wote Lɔ a Alijɛnɛ

Nunga ti yɛɛ wɔɔ ndunyama Alijɛni hu, tao na wa ma wuema gbɔma.

NDƆMI YE 116

Mua Ye Kunafɔ Lɛvui Majɔɔ

I baa kaa na ma mua pie kɔlongɔ Jɛhova ma tia ngi Lui Yesu, gbɛ mia kungɔ mu pie gbɔma kɔ mu kunafɔ lɛvui majɔɔ?

Mɔlisia Gaa Bi Ti Gbɛmbo Nya Baibu Lɔmɛ Bukui Ji Hu

Baibu yakeisia kɛ mɔlisia na a gbɔ jialenga ma kɔ ti gu ti nafa ndɔmɛ nasia hu ti nyɛingɔ Baibui hu.