Kuaʼan-ní nu̱u̱ iyo

Kuaʼan-ní nu̱u̱ índice

 LECCIÓN 2

¿Nde kuu Yandios?

¿Nde kuu Yandios?

1. ¿Nakú kánuu chiñuʼun-yo Yandios?

Yandios kuu ja ni saʼa ndɨʼɨ ja iyo. Nɨkani ni̱ iyo-Ya de nɨkani ni̱ koo-Ya (Salmo 90:2). Nu̱u̱ maa-Ya vaji ndɨʼɨ nda tuʼun vaʼa ja yoso nu̱u̱ Tutu Yandios (1 Timoteo 1:11). Matuʼun maa-Ya kuu ja chiñuʼun-yo, chi su maa-Ya kuu ja saʼa ja teku-yo. Kaʼvi-ní Apocalipsis (Revelación) 4:11.

2. ¿Na̱sa kaa Yandios?

Ni̱ ɨn ñayí nduu kuu kundeʼe-ji Yandios chi kuu-Ya ɨn espíritu, de ñukua kuu ja kuñaʼnu tuni ka-Ya nu̱u̱-yo, ja kuu-yo yɨkɨ kuñu (Juan 1:18; 4:24). Vese sukua kuu, ku̱ú kuni-yo na̱sa kaa ini-Ya ta ndeʼe vaʼa-yo ndɨʼɨ ja ni saʼa-Ya. Tanu kuu ndɨʼɨ nu̱u̱ nda ja víxi ji ita̱ ja ni saʼa-Ya, ñukua steʼen nu̱u̱-yo ja kundaʼvi ini-Ya nda-yo de suni steʼen nu̱u̱-yo ja ndíchi tuni-Ya. Suni ndɨʼɨ ja iyo nu̱u̱ andɨvɨ́ steʼen ja ndakui tuni-Ya. Kaʼvi-ní Romanos 1:20.

Suni ku̱ú kuni-yo Yandios nu kaʼvi-yo Biblia. Yaʼa kachi na̱sa kitaʼan-Ya jín nda ñayí ji kaʼan naguá kuu ja taʼa̱n ini-Ya ji naguá kuu ja nduu taʼa̱n ini-Ya ji na̱sa saʼa-Ya nu̱u̱ sin sin tiñu ja saʼa ñayí. Biblia kachi ja “ma sú nɨkani steʼen ndaʼá-Ya nda kuachi-yo, ni ma sú nɨkani kɨtɨ̱ ini-Ya. Nduu saʼa-Ya jín-yo ta ɨn kuu kuachi-yo, ni̱ nduu taa-Ya tundoʼo kundoʼo-yo ta nduu saʼa vaʼa-yo ɨn tiñu” (Salmo 103:9, 10).

3. ¿A iyo sɨvɨ Yandios?

Jesús ni kachi-de: “Ta̱tá nda-ni ja iyo-ro andɨvɨ́, na ku̱ú i̱i̱ sɨvɨ-ro” (Mateo 6:9, TNM). Vese iyo kuaʼa título Yandios, iyo ɨn sɨvɨ maa-Ya. Naani yuʼu kaʼan ñayí, sin sin kaʼan sɨvɨ-Ya. Jeová kuu nu̱u̱ tuʼun savi axi sava nda ñayí kaʼan Yavé. Biblia kachi: “Tágua kuni nda ñayí ja sɨvɨ-ro kuu Jeová, matuʼun-ro kuu ja Súkún tuni ka nɨkaʼnu nu̱u̱ ñuʼun” (Salmo 83:18 [82:19 nu̱u̱ sava ka Biblia]).

Kuaʼa nu̱u̱ Biblia, ni nasa̱ma sɨvɨ-Ya jín título tanu kuu Dios axi Señor.Nde xinañuʼun sɨvɨ-Ya ni yoso nu̱u̱ Biblia viʼi ka uja mil ji̱chi. Ta ni steʼen Jesús ja sɨkɨ Yandios nu̱u̱ ñayí, núú ni̱ núú ni̱ ni  jatiñu-de sɨvɨ Yandios. Jesús ni kachi-de: “De maa-ni ja̱ ni steʼen-ni sɨvɨ-ro, de nasteʼen tuku-ni, tágua jín ja ni kundaʼvi ini-ro nduʼu suni koo jín nda-ji, de sukua koo inuú ini-ni jín nda-ji” (Juan 17:26, TNM).

4. ¿A ndɨʼvɨ ini Yandios ja kuu maa-yo?

Tanu saʼa ta̱tá yaʼa ja kundaʼvi tuni ini-de, Yandios ja satiñu-Ya tágua koo vaʼa-yo ichi nu̱u̱

Nu maa ja nda̱a̱ ja kutoo Jeová nda-yo, ¿nakú jeʼe-Ya tuʼun ja iyo tuni tundoʼo? Sava nda ñayí jani ini-ji ja taji-Ya tundoʼo nu̱u̱-yo tágua kuni-Ya na̱sa kaa-yo. De ma sú ja nda̱a̱ kuu tuʼun yaʼa. Kaʼvi-ní Santiago 1:13.

Jeová taji-Ya tuʼun ja ka̱ji maa-yo na ichi kúni-yo kiʼin-yo, de vaʼa ka kuu ja ka̱ji-yo satiñu-yo nu̱u̱-Ya (Josué 24:15). Kuaʼa ñayí ka̱ji-ji saʼa-ji ja ndevaʼa, ja ñukua kuu ja iyo kuaʼa tundoʼo. Sɨkɨ ñukua kuu ja Jeová kukuéká ini-Ya ta ndeʼe-Ya nda tiñu ja nduu iyo vaʼa. Biblia kachi: “Ja ñukua, Jeová ni ndeʼe-Ya ja ni kaya̱ ja ndevaʼa ini teé nu̱u̱ ñuʼun [...]. De Jeová ni ndakani ini-Ya ja ni saʼa-Ya nda teé nu̱u̱ ñuʼun de ni kukuéká anu-Ya” (Génesis 6:5, 6).

Sɨkɨ ja Jeová kutoo-Ya nda-yo de kúni-Ya ja na koo sii ini-yo, vakuñati kɨvɨ ja xnaa-Ya ja saʼa ja iyo tundoʼo ji ja ndevaʼa. Iini̱ ku̱ú tuʼun yaʼa, iyo na sɨkɨ kuu ja jeʼe-Ya tuʼun ja iyo tundoʼo. Nu̱u̱ lección 8 kutuʼva ka-ní sɨkɨ tuʼun yaʼa. Kaʼvi-ní 2 Pedro 2:9 ji 3:7, 13.

5. ¿Na̱sa ku̱ú koo ñati-yo nu̱u̱ Yandios?

Jeová taji-Ya tuʼun ja saʼa-yo sáʼan tágua tandee-yo nu̱u̱-Ya. De ndɨʼvɨ ini-Ya ja kuu ta ɨn ta ɨn-yo (Salmo 65:2; 145:18). Suni, kúni-Ya kunee kaʼnu ini-Ya nu̱u̱-yo ji ndakuni-Ya ja chuʼun ndeé ini-yo saʼa-yo ja kúni-Ya, vese nduu kuu saʼa vaʼa-yo ndɨʼɨ tiñu ja kachi-Ya. Ja ñukua kuu ja, vese kuu-yo ñayí kuachi kuu kitaʼan vaʼa-yo jín-Ya. Biblia kachi ja “ta ni̱ ji̱ka iyo nu̱u̱ kee kandii̱ ji nu̱u̱ sa̱ʼvi kandii̱, sukua chisó ji̱ka-Ya kuachi-yo. Chi jini vaʼa-Ya na̱sa kaa-yo de naʼán-Ya ja kuu-yo ñuʼun” (Salmo 103:12,14). Kaʼvi-ní Santiago 4:8.

Sɨkɨ ja maa-Ya saʼa ja teku-yo, ma kutoo tuni-yo inka ndatiñu axi ñayí tanu kutoo-yo maa Yandios (Marcos 12:30). Steʼen-yo ja kundaʼvi ini yo-Ya ta kutuʼva-yo sɨkɨ maa-Ya ji kandija-yo ja tetiñu-Ya. De nu saʼa-yo sukua, kitaʼan vaʼa-yo jín-Ya de koo ñati tuni ka-yo nu̱u̱-Ya. Kaʼvi-ní 1 Timoteo 2:4 ji 1 Juan 5:3.