Kuaʼan-ní nu̱u̱ iyo

¿A koo ɨn kɨvɨ ja ma kundoʼo ka-yo?

¿A koo ɨn kɨvɨ ja ma kundoʼo ka-yo?

¿A kachi-ní ja...

  • ... koo?

  • ... ma koo?

  • ... nduu jini-ni?

 JA KACHI TUTU YANDIOS

“De Yandios [...] nakuaʼa-Ya ntenuu nda-ji, de ma ku̱ú ka ñayí ni ma kuakú ka-ji, ni ma kukuéká ka ini-ji, ni ma játu ka-ji.” (Apocalipsis 21:3, 4, Nuevo Testamento en Mixteco de Ocotepec.)

NA̱SA CHINDEE NU̱U̱-YO NU KUNI-YO NDA TUʼUN YAʼA

Kuni-yo ja ma sú Yandios kuu ja saʼa ja ndoʼo-yo tundoʼo (Santiago 1:13).

Kusii ini-yo ta kutuʼva-yo ja Yandios jini-Ya ja ndoʼo-yo (Zacarías 2:8).

Kuu kundetu-yo ɨn ja vaʼa ja kiji ichi nu̱u̱, ja ma koo ka tundoʼo nu̱u̱-yo (Salmo 37:9-11).

 ¿A KUU KANDIJA-YO JA KAʼAN TUTU YANDIOS?

Kuu, chi iyo uu tuʼun:

  • Nduu taʼan kuiti̱ ini-Ya nda tundoʼo ji tiñu ja nduu iyo nda̱a̱. ¿Na̱sa ni kuu anu Jeová ta ni ndoʼo ndevaʼa ñuu-Ya kɨvɨ janaʼán? Nu̱u̱ Tutu Yandios kachi ja ni kukuéká ini-Ya ta kuaʼa ñuu “ni chindaʼa” ñuu-Ya (Jueces 2:18, Traducción del Nuevo Mundo).

    Yandios nduu taʼan ini-Ya ja ɨn ñayí xndoʼo taʼan. Nu̱u̱ Tutu Yandios kachi ja kɨtɨ̱ ini-Ya ndeʼe-Ya “Ɨn ndaʼá ja jati ni̱ñi̱ ja nduu na kuachi” (Proverbios 6:16, 17).

  • Yandios ñuʼun ini-Ya ja kuu ndɨʼɨ ñayí. Vese jani xini-ní ja maani-ní kuu ja jini “tundoʼo-ní ji tuʼun kukuéká ini-ní”, chi Jeová ndeʼe-Ya ndɨʼɨ ja ndoʼo-ní (2 Crónicas 6:29, 30).

Yandios kuatiñu-Ya Reino-Ya tágua xnaa-Ya tundoʼo ta ɨn ta ɨn ñayí (Mateo 6:9, 10). De mita, chindee-Ya nda ñayí ja ka ndanduku-Ya jín ndɨʼɨ anu (Hechos 17:27; 2 Corintios 1:3, 4).

 KANI XINI-NÍ

¿Nakú jeʼe-Ya tuʼun ja ndoʼo-yo tundoʼo?

Ndaniʼi-ní tuʼun yaʼa nu̱u̱ ROMANOS 5:12 ji 2 PEDRO 3:9.