Kuaʼan-ní nu̱u̱ iyo

¿Nde kuu ja tatuni nu̱u̱ ñuuyɨvɨ́?

¿Nde kuu ja tatuni nu̱u̱ ñuuyɨvɨ́?

¿A kachi-ní ja kuu...

  • ... Yandios?

  • ... ɨn ñayí?

  • ... axi Tachi Juʼvi?

 JA KACHI TUTU YANDIOS

“Níí ñuuyɨvɨ́ yɨʼɨ ji ndaʼá tachi kuñaʼnu.” (1 Juan 5:19, Nuevo Testamento en Mixteco de Ocotepec, NTO.)

“Ja ñukua ni nkiji seʼe Yandios, ja xnaa-Ya ndaka tiñu néʼén ja saʼa Tachi kuñaʼnu.” (1 Juan 3:8.)

NA̱SA CHINDEE NU̱U̱-YO NU KUNI-YO NDA TUʼUN YAʼA

Jakuʼun ini-yo nde nu̱u̱ vaji tundoʼo ñuuyɨvɨ́ (Apocalipsis 12:12).

Kuu kundetu-yo ja koo ɨn ñuuyɨvɨ́ vaʼa ka (1 Juan 2:17).

 ¿A KUU KANDIJA-YO JA KAʼAN TUTU YANDIOS?

Kuu, chi iyo uni tuʼun:

  • Ma sú nɨkani kuñaʼnu tachi Juʼvi. Vese mita tatuni Tachi Juʼvi. Maa Jeová kachi ja “xnaa-Ya poder tachi kuñaʼnu” ji ja ndasaʼa vaʼa-Ya ndɨʼɨ kuachi ja ni saʼa Tachi Juʼvi (Hebreos 2:14).

  • Yandios ni kaji-Ya Jesucristo tágua tatuni. Jesús nduu saʼa ta nu saʼa Tachi Juʼvi ja kuñaʼnu nu̱u̱ ñuuyɨvɨ́ yaʼa. Yandios kachi-Ya ja sɨkɨ reino Jesucristo: “Kundaʼvi ini-de nda ñayí ja nduu na chindee ji nda ñayí ndaʼvi [...] nu̱u̱ tundoʼo ji nu̱u̱ ja ndevaʼa skáku Ya-ji” (Salmo 72:13, 14, Traducción del Nuevo Mundo).

  • Nduu stáʼvi Yandios. Nu̱u̱ Biblia kaʼan kají ja “Nduu stáʼvi kuiti̱-Ya” (Hebreos 6:18, NTO). Ja ñukua kuu ja ta kaʼan Jeová ja saʼa-Ya ɨn tiñu ku̱ú kandija-yo ja saʼa-Ya (Isaías 55:10, 11). De yaʼa kuu ja kachi-Ya “Ja skunu-Ya ja ne̱ʼén ja tatuni ini ñuuyɨvɨ́ yaʼa” (Juan 12:31).

 KANI XINI-NÍ

¿Na̱sa koo ñuuyɨvɨ́ yaʼa kɨvɨ ja ma tatuni ka Tachi Juʼvi?

Ndaniʼi-ní tuʼun yaʼa nu̱u̱ SALMO 37:10, 11 ji APOCALIPSIS 21:3, 4.