Kuaʼan-ní nu̱u̱ iyo

¿Na̱sa jani ini-ní ja ku̱ú ichi nu̱u̱?

¿Na̱sa jani ini-ní ja ku̱ú ichi nu̱u̱?

¿A jani ini-ní ja ñuuyɨvɨ́...

  • ... ma sa̱ma?

  • ... nde̱ʼé ka koo?

  • ... axi nduvaʼa?

 JA KACHI TUTU YANDIOS

“De nakuaʼa-Ya ntenu̱u̱ nda-ji. De ma kúu̱ ka ñayí, ni ma kuakú ka-ji, ni ma játu ka-ji. Chi ja ni nchaʼa ndaka tundoʼo ja ni iyo.” (Apocalipsis 21:3, 4, Nuevo Testamento en Mixteco de Ocotepec.)

NA̱SA CHINDEE NU̱U̱-YO NU KUNI-YO NDA TUʼUN YAʼA

Kunevaʼa-yo tiñu vaʼa ja saʼa sii ini-yo (Isaías 65:21-23).

Ma kundoʼo ka-yo suni ma kukúʼu̱ ka-yo (Isaías 25:8; 33:24).

Kundee sii-yo nɨkani jín taʼan veʼe-yo jín nda ñayí kitaʼan vaʼa ji-yo (Salmo 37:11, 29).

 ¿A KUU KANDIJA-YO JA KAʼAN TUTU YANDIOS?

Kuu, chi iyo uu tuʼun:

  • Yandios ku̱ú saʼa-Ya tuʼun kaʼan yaʼa. Nu̱u̱ Tutu Yandios kachi ja matuʼun Yandios kuu ja ndakui tuni ka, de ma ndɨʼɨ ja ndakui-Ya (Apocalipsis 15:3). Ja ñukua kuu ja ta kachi-Ya ja nda saʼa vaʼa-Ya ñuuyɨvɨ́ yaʼa, ku̱ú kandija–yo ja ku̱ú saʼa-Ya. Chi nu̱u̱ Biblia kachi ja “ndɨʼɨ ku̱ú saʼa-Ya” (Mateo 19:26).

  • Yandios kuu ini-Ya saʼa-Ya ja ni kachi-Ya. Tanu kuu nda ñayí ja ni ji̱ʼi̱, Biblia kachi ja Jeová kuu ini-Ya nasteku nda ñayí ni ji̱ʼi̱ (Job 14:14, 15).

Suni kachi ja Jesús seʼe yɨɨ Yandios, ni nda saʼa vaʼa-de nda ñayí kúʼu̱. ¿De nakú ni saʼa-de sukua? Chi ja ñukua kuu ja ni kúni-de (Marcos 1:40, 41). Ndɨʼɨ ja ni saʼa-de ni steʼen ja Yandios kuu ini-Ya chindee-Ya nda ñayí ndaʼvi (Juan 5:19).

Yaʼa steʼen nu̱u̱-yo ja kuu ini Jeová jín Jesús ja na kundee vaʼa-yo ichi nu̱u̱ (Salmo 72:12-14; 145:16; 2 Pedro 3:9).

 KANI XINI-NÍ

¿Na̱sa ndasaʼa vaʼa Yandios ñuuyɨvɨ́ yaʼa ɨn ñuu vii?

Ndaniʼi-ní tuʼun yaʼa nu̱u̱ MATEO 6:9, 10 ji DANIEL 2:44.