Kuaʼan-ní nu̱u̱ iyo

Kuaʼan-ní nu̱u̱ índice

 Parte 7

¿Nde kuu Jesús?

¿Nde kuu Jesús?

Jeová ni ndetiñu-Ya Jesús ni kiji nu̱u̱ ñuʼun (1 Juan 4:9)

Ta nchaʼa koo Adán, nde andɨvɨ́ Jeová ni saʼa-Ya ɨn ángel ndakui tuni. Nu kúni-yo saʼa sii-yo ini-Ya na tesoʼo-yo ja kaʼan ángel kánuu yaʼa.

Nu̱u̱ ni jika kuiya ni ndetiñu Jeová ángel ñukua tágua kaku nu̱u̱ ñuu Belén, de ni nani-de Jesús. Naná-de ni kuu ɨn ñaʼan suchí ja ni nani María (Juan 6:38).

Ta ni iyo Jesús nu̱u̱ ñuʼun yaʼa ni kuu-de ɨn teé vaʼa ini, tanu kaa tatá-de Jeová, chi ni kundaʼvi ini-de ñayí. Su kuu ja nda ñayí ni nkuu ini koo ñati nu̱u̱ iyo-de. Suni nduu ni yu̱ʼú-de ja steʼen-de tuʼun nda̱a̱ Yandios.

 Jesús ni saʼa-de tiñu vaʼa, de nduu ni ntaʼa ini ñayí sa ni kɨtɨ̱ ini (1 Pedro 2:21-23)

Ni ka kɨtɨ̱ ini nda teé ja ni kuñaʼnu nu̱u̱ veñuʼun judío ni ndeʼe nda Jesús, chi ni stúu-de nu̱u̱ ñayí nda tuʼun stáʼvi ji ja nduu saʼa vaʼa nda teé yaʼa.

Suni ni ndasaʼa vaʼa-de ñayí kúʼu̱ ji ni nasteku-de jaku ndɨyɨ.

Su kuu ja nda teé kuñaʼnu nu̱u̱ veñuʼun judío ni saʼa nda ja nda romano ni nkani ji ni jaʼni nda Jesús.