Nda mu gadji

Nda mu ndonga di yima di djigidjigi

Atemwe a Yehowa

Gimbala

Manunga mayi mena yigi mu mwila yi Biblia?

Manunga mayi mena yigi mu mwila yi Biblia?

Uba’hosa mbi diena . . .

  • muganda u mayelu ma hādu?

  • muganda u mwianda yi masolu m’ambud’ategu?

  • Ndaga yi Nzambi?

 BIBLIA DIHOSA YIGI?

“Insoni ikima isonama mu mbuga yi mpeve yi Nzambi.”2 Timote 3:16Mbalula ya Nsi-Ntoto ya Mpa.

KIYO DIFEDJI GUGUSADISA?

Biblia muni’hana mamvudu ma mpimbu mu ma ngiuvu (ngifula) maneni menā guhula hādu mu lujingu.Bingana 2:1-5.

Biblia muni dulesa mbuga yi gigidi mu lujingu lwedu.Nkunga 119:105.

Biblia mudi guduwa givuvu gi giediga mu mafugu ma gesa.Baroma 15:4.

 D’UFEDJI GWIGILA KEGA GIHOSA BIBLIA?

Gio gini, mu mwila yiguma isadu yi mfunu:

  • Gwifilagana gu mangindu. Biblia digasonamanini gu yida mamvula 1600. Hādu agasonigidi Biblia agakedi 40. Engi mugadji diowu lō’agawanaganini. Gishi, muganda wu umuhundu, mangindu muni gwifilagana, gishina gi ngindu gimoshi!

  • Māgasonigidi mambu ma giediga. Mbala yingi, hādu agusoniganga mambu ma gifudji agusweganga ma mbí ma Hādu’owu. Gishi, hādu ohagasonigidi Biblia magahoshidi yi ma mbí mowu yi ma mbí ma gifudji giowu.2 Bansangu 36:15, 16; Nkunga 51:1-4.

  • Mambigudulu mena masonga. Biblia digahoshidi yitunda gubebisama gu Babilone gu yida mamvula 200. (Yezaya 13:17-22) Biblia lō digahoshidi gaga gubwa gu Babilone, gashi digahanini yi jina di mudu ufwedji kubwisa Babilone!Yezaya 45:1-3.

Mambigudulu mengi mega kega ma Biblia māga gugisamanini mu mambu makimina. Ndaga yi Nzambi ifedji kala giogio. Agini lō?2 Piere 1:21.

 UYINDULA YIGI?

Mpila yigi Ndaga yi Nzambi ifedji gugumisa lujingu lwayi pimbu shila?

Biblia dihana mvudu mu YEZAYA 48:17, 18 yi 2 TIMOTEO 3:16, 17.