Nda mu gadji

Nda mu ndonga di yima di djigidjigi

Atemwe a Yehowa

Gimbala

Gugigidi hādu’agāfa mafedji gujinga kega?

Gugigidi hādu’agāfa mafedji gujinga kega?

Mvudu y’ayi yena . . .

  • giogini?

  • lōwu?

  • mbala djiega?

 BIBLIA DIHOSA YIGI?

“Lufudumugu mulu’anga kala.”Bisalu 24:15Mbalula ya Nsi-Ntoto ya Mpa.

KIYO DIFEDJI GUGUSADISA?

Mudugakala mudjima dulū ata hādu ēdu aduguzolanga afa.2 Bakorinto 1:3, 4.

Lō du gukalanga kega yi wōma u lufa.Baebreo 2:15.

Duena yi lugwigilu lū giediga hādu ēdu aduzolanga agafa muduga kala kega yowū.Yoane 5:28, 29.

 D’UFEDJI GWIGILA KEGA GIHOSA BIBLIA?

Giogini, mu mwila yiguma yisadu yi mfunu:

  • Nzambi ena Ngangi u lujingu. Biblia muni lendjiga Yehowa Nzambi “mweni lujingu.” (Nkunga 36:9; Bisalu 17:24, 25) Ye ugawa yigangwa yi kima lujingu ena kega yi giyega muguwa hādu agafa lujingu.

  • Mu dangu di tunda Nzambi magafudumunini hādu ega o’agafidi. Biblia dihoshila lufudumugu lū hādu ginana—a ngunza, a pini, a mbud’amala y’a mbud’agosuna—o’agagindjigidi mu lujingu awulu di mānu. Ega mugadji diowu lagakedi dangu dingi mu lufa, gashi umoshi mugadji diowu hagahangidi mafugu mawana mu majiamu!Yoane 11:39-44.

  • Nzambi ena yi mfunu yingi di gufudumusa kega hādu agāfa. Yehowa ugamenga lufa; aguludalanga nga mbeni. (1 Bakorinto 15:26) Ena yi mfunu yingi mu gununga mbeni yo, mānga gadula lufa mu mbuga yi lufudumugu. Muni mena mu mudjima mu wulu mu gufudumusa hādu wo ena mu manunga m’endji mu lujingu yi gu’adala mu lujingu awulu di mānu.Yobo 14:14, 15.

 UYINDULA YIGI?

Mu mwila yigi dugununanga dugufanga?

Biblia dihana mvudu mu giuvu (ngifula) gi mu KUYANTIKA 3:17-19 yiBAROMA 5:12.