Nda mu gadji

Nda mu ndonga di yima di djigidjigi

Atemwe a Yehowa

Gimbala

Gifumu gi Nzambi giena yigi?

Gifumu gi Nzambi giena yigi?

Uba’hosa mbi giena . . .

  • gima mu gadji di mudjima wayi?

  • gaga mpila yi guhosa?

  • luyalu lu wulu?

 BIBLIA DIHOSA YIGI?

“Nzambi u wulu m’hanga sa gifumu gi moshi lō gi’hanga bebisama.”Daniele 2:44Mbalula ya Nsi-Ntoto ya Mpa.

“Nzambi udu wedi mwana uyala, ye wanga du yala.”Yezaya 9:5La Bible en Kituba, 1990.

KIYO GIFEDJI GUGUSADISA?

  • Giena luyalu lu masonga lufwedji gu guwa mapimbu.Yezaya 48:17, 18.

  • Mu gifudji gi mpa, muhanga sepila yi ludjingu lu gulunga yi ma pimbu mengi.Kusonga 21:3, 4.

 D’UFEDJI GWIGILA KEGA GIHOSA BIBLIA?

Gio gini, mu mwila yiguma yadi yi mfunu:

  • Yezu māgaleshidi yigi Gifumu gi Nzambi gi’hanga gugisa. Yezu māgalongidi alongugi’endji alombi mu’isambu mu mwila Gifumu gi Nzambi gishi, yi mu mwila luzolu lu Nzambi lusalamani ha wulu di mānu. (Matayo 6:9, 10) Yezu māgaleshidi kiyo Nzambi hanga hana mvudu mu gisambu gi.

    Dangu diaga kedi awulu di mānu, Yezu māgadishidi hādu agakedi nzala, māgabelushidi hakashi yi māgafudumushidi hādu agafidi! (Matayo 15:29-38; Yoane 11:38-44) Mu mwila ena fumu u luyalu lu Gifumu gi Nzambi mu mafugu magesa, Yezu māgaleshidi mambu ma pimbu māga’hanga Gifumu gi Nzambi mu mwila hādu’endji.Kusonga 11:15.

  • Mambu mambí ma dubadāla awulu di mānu, mābā lesa mbi tunda lō, Gifumu gi Nzambi gibagwisa. Yezu aga’hoshidi mbi tegu Gifumu gi Nzambi gi shi ngemba awulu di mānu, gifudji gigakala yi idumba, nzala, yi gunigagana gu mānu.Matayo 24:3, 7.

    Mena mambu madubadala mafugu ma. Mu mwila gio, dufedji sa mudjima mbi tunda lō Gifumu gi Nzambi gihanga gadula mambu mambí makima.

 UYINDULA YIGI?

Ki lujingu luanga kala mu luyalu lu Gifumu gi Nzambi?

Biblia dihana mvudu mu giuvu (ngifula) gi mu

NKUNGA 37:29 yi mu YEZAYA 65:21-23.