Nëjkx parë xyʼixët diʼib tmëminy

¿Tëyˈäjtën ko Jyobaa tyestiigëty kyaj oy mëët nyekyˈittë pënaty kyaj tnekytyukˈitë ja ryelijyonk?

¿Tëyˈäjtën ko Jyobaa tyestiigëty kyaj oy mëët nyekyˈittë pënaty kyaj tnekytyukˈitë ja ryelijyonk?

Duˈunyëmëts nmëgäjpxtë pënaty të nyëbattë extëmë Jyobaa tyestiigë, oy kyanekykyäjpxwäˈkxtë o kyanekynyijkxy mäjëts nduˈukmuktë. Niˈigyëts nmëjämoˈoytyë parë jyëmbittët ets kyaj tmastuˈuttëdë Dios.

Ko tuˈugë Jyobaa tyestiigë nyëbety ets tyuundëgoy mëjwiin kajaa, mbäät yaˈëxkexy mä ja naymyujkën. Per kyaj netyë yaˈëxkexy. Pën ja jäˈäy xëmë pyokytyuny, kyaj tmëmëdoy extëmë Biiblyë jyënaˈany ets kyaj jyodëmbity, ta yaˈëxkexy, ets kyaj mbäät oy nyekyˈittë mët ja myëguˈuktëjk. Biiblyë jyënaˈany: “Ëxwojpëtsëmdë tadë pekytyuumbë mä miitsëty” (1 Korintʉ 5:13).

¿Ti tuun jäjtëp pën yëˈë yaˈëxkajxp ja yetyëjk, per ja nyëdoˈoxy ets ja yˈuˈunk duˈunyëm Tyestiigëˈattë? Duˈunyëm nyaymyëguˈukˈatëdë, oy kyaj tuˈugyë nyekyDiosmëdundë. Duˈunyëm yˈittë tuˈugyë mëdë nyëdoˈoxy ets duˈunyëmë uˈunk ënäˈk oy yˈittë mët ja tyeety.

Pënaty të yaˈëxkaxtë, mbäät nyëjkxtë mäjëts nduˈukmuktë pën nëjkxandëp, ets pënaty tuundëp mëjjäˈäy mä ja naymyujkën, mbäät pyudëkëdë parë jatëgok oy yˈittët mëdë Dios. Ko duˈun yajpudëkëdë, yëˈë parë jatëgok Tyestiigëˈattët. Ko jyodëmbittë pënaty të yaˈëxkaxtë, kyaj axëëk nyekyjukyˈattë ets dyajnigëxëˈëktë amumduˈukjot ko duˈun jyukyˈattë extëmë Biiblyë tniˈanaˈamë, mbäät jatëgok yajkupëky mä naymyujkën.