Nëjkx parë xyʼixët diʼib tmëminy

Nëjkx mä tsyondaʼaky mä wiinkpë xyʼixët

Jyobaa tyestiigëty

ayuk

¿Mä tsyoonyë meeny sentääbë diˈib yajtuundëbë Jyobaa tyestiigëty?

¿Mä tsyoonyë meeny sentääbë diˈib yajtuundëbë Jyobaa tyestiigëty?

Jyobaa tyestiigëty yëˈë yäjktëbë meeny sentääbë tsojkëngyëjxm parë yajtunyë Diosë tyuunk. Mäjëts nduˈukmuktë, ninäˈä kyayaˈˈamdoyë meeny sentääbë. Nan kyaj yaˈˈamdoyë diesmë (Matewʉ 10:7, 8). Pën jam pën dyakäˈäny tsojkëngyëjxm, mbäät tˈagonë mä ja käjë diˈib yajpatp mäjatyëts nduˈukmuktë. Kyaj yajnigajpxyë xyëë pënaty tsojkëngyëjxm yajkypyë meeny sentääbë.

Ta kanäk pëky tijatyëts xypyudëjkëdëp parëts kyaj nëgoo nyajmeenytyundë. Extëm nˈokpëjtakëm, kyaj jyapëtyë wintsën diˈib yajmëjuuytyëp. Nan kyaj yajmëjuytyë ni tuk pesë Jyobaa tyestiigëty ko kyäjpxwäˈkxtë tëjkmdëjkm, ets adëyë yˈixëty ja lugäär mäjëts nduˈukmuktë.

Ja meeny sentääbë diˈib yajˈyäjkp tsojkëngyëjxm, yajkexy mä sukursal diˈib myëdäjttëbë Jyobaa tyestiigëty. Tyäˈädë yëˈë yajtukpudëjkëdëp pënaty tuundëp misioneerë, sirkuitë ets ko tijaty yˈayoˈonbëjtaˈaky, nan tuump parë kyojˈyë Biiblyë, ëxpëjkpajn ets parë yajkexy. Nanduˈun parë yajkojˈyë jëën tëjk mäjëts nˈëxpëktë mä kyaj nëgoo jyaˈˈatyë meeny sentääbë.

Niduˈuk niduˈugë jäˈäy twinmaytyë pën yakandëbë meeny sentääbë tsojkëngyëjxm parë tyunët mäjëts naymyukëdë o parë yajtunëdë Diosë tyuunk abëtsemy nyaxwinyëdë. Mä tukëˈëyë naymyujkën kojpë informë poˈoboˈo ets mbäät yaˈixy nuˈunë meeny sentääbë tyuny.