Nëjkx parë xyʼixët diʼib tmëminy

Nëjkx mä myiny tukëʼëyë titulo

¿Ti mbäät namoˈoyëmë Jyobaa?

¿Ti mbäät namoˈoyëmë Jyobaa?

TËGOKË Jesus jyënany: “Niˈigyë njotkujkˈäjtëm ko wiink jäˈäy nbudëjkëm es kyaj ko wiink jäˈäy xypyudëjkëm” (Apos. 20:35). Tyäˈädë ja tyëyˈäjtëndëkë mä wiˈix nˈijtëm mëdë Jyobaa. ¿Tiko duˈun njënäˈänëm? Yëˈko Jyobaa jantsy kanäk pëky tijaty xymyoˈoyëm parë nˈijtëm agujk jotkujk, per mas jotkujk nnayjyawëyäˈänëm pën ëtsäjtëm namoˈoyëm ti Jyobaa. ¿Ti mbäät namoˈoyëm? Proverbios 3:9 jyënaˈany: “Wintsëˈëgë Jyobaa mët tijaty mmëdäjtypy diˈib tsobatp”. Ko jyënaˈany “tijaty mmëdäjtypy diˈib tsobatp”, yëˈë yˈandijpyë tiempë, wijyˈäjtën, jot mëjääw etsë jukyˈäjt madakën. Ko nyajtuˈunëm tijaty nmëdäjtëm parë nbudëjkëmë Diosë tyuunk, duˈunë nety namoˈoyëm tijatyë Jyobaa, ets yëˈë diˈib xyyajnayjyäˈäwëm agujk jotkujk.

¿Ti xypyudëkëyäˈänëm parë kyaj njäˈäytyëgoˈoyëm ets nmoˈoyëmë Jyobaa tijaty nmëdäjt njaygyajpëm? Apostëlë Pablo ojts tˈanëëmë ja Dios mëduumbëty diˈib Corinto ets tkoonwëˈëmdët ja yˈayak yˈagonë (1 Kor. 16:2). Pën mnijawëyaampy wixaty mbäät xynyayaky tijaty mä mtsëënë, ixë rekuäädrë diˈib miimp abatkëˈëy.

Ta paˈis mä kyaj mbäät yajnayakyë meeny mä Internet. Per ko mdëkët mä pajina donate.jw.org, jap tnigajpxy wixaty mbäät yajkexy. Mä näägë paˈis, myëdäjttëp jääybyety tijaty mbäät ttuny tuˈugë jäˈäy ko ti tnayakäˈänët.