Nëjkx parë xyʼixët diʼib tmëminy

Nëjkx mä myiny tukëʼëyë titulo

 ËXPËJKËN 12

¿Wiʼix të yajtukniwitsë parëts ngäjpxwäʼkxtët?

¿Wiʼix të yajtukniwitsë parëts ngäjpxwäʼkxtët?

España

Bielorrusia

Hong Kong

Perú

Mä netyë Jesus kyaʼookynyëm ojts tnigajpxy: “Tyäʼädë oybyë ayuk diʼibë nyimaytyakypy ja tsäjpotmëdë kutujkën yajkäjxwäʼxäämp es yajknijawët mä tëgekyë naxwinyëdë” (Matewʉ 24:14). ¿Wiʼixë nety yajkäjpxwäʼkxäʼäny abëtsemy nyaxwinyëdë? Duʼun extëmë Jesus ojts tnastunë ko yʼijty yä Naxwiiny (Lukʉs 8:1).

Ninëjkxtëbëtsë jäʼäy mä jyëën tyëjk. Jesus ojts ttukniʼʼixë yʼëxpëjkpëty ets tkäjpxwäʼkxtët ja oybyë ayuk tëjkmdëjkm (Matewʉ 10:11-13; Apostʉlʉty 5:42; 20:20). Ets ojts yaʼʼanëëmëdë mäbäät kyäjpxwäʼkxtët (Matewʉ 10:5, 6; 2 Korintʉ 10:13). Tyam, nan të yajxon yajtukniwitsë wiʼixëts nʼëwäʼkx ngäjpxwäʼkxtët, ets mäbäät kyäjpxwäʼkxtët tuʼuk tuʼugë naymyujkën. Duʼuntsën nguytyundë diʼibëtsë Jesus xytyuknipëjktë, ngäjpxwäʼkxtët (Apostʉlʉty 10:42).

Nduundëbëtsë mëjää parëtsë jäʼäy nmëtmaytyäʼäktët oymyääjëty. Jesus tyukniʼʼijxë yʼëxpëjkpëty ets kyäjpxwäʼkxtët oytyim määjëty, extëm mejnybyëʼääy o mä nëgoondakn (Markʉs 4:1; Fwank 4:5-15). Ëëtsëty, nanduʼunëtsë jäʼäy ndukmëtmaytyäʼäktë Biiblyë mäjëts ndimpäättë: nëʼääy tuʼääy, mä jyuy tyooktë, mä parke o mä telefënë. Nanduʼunëts nmëtmaytyäʼäktë njiiky nmëguʼugëtyëts, nmëdëjkpäʼäjëtyëts, diʼibëts mëët ndundë o diʼibëts mëët nʼeskuelëʼattë. Kojëts duʼun ndundë, ta miyonkʼamë jäʼäy tmëdowdë ja oybyë ayuk diʼib yajnitsokp (Salmo 96:2).

Okwinmay naa pën mbäät xytyukmëtmaytyaʼagyë oybyë ayuk diʼib mä Diosë yʼAnaʼam Kyutujkën ets mä tijaty miin këdakp. Kyaj mwinmayët ko nëgoko mijts të xynyijawë ja tëyʼäjtën diʼib yajkypyë jotkujkʼäjtën. Tukmëtmaytyäʼäk nanduʼun pën mdimpatypy.

  • ¿Ti “oybyë ayuk” jaʼäjtp diʼib yajnimaytyäʼägäämp?

  • ¿Wiʼix ëëtsëty, Jyobaa tyestiigëty, nbanëjkxtëts extëmë Jesus ojts yʼëwaʼkxy kyäjpxwaʼkxy?