¿Pënaty tyam tyuundëp ti Jyobaa tsyejpy?

Jyobaa tyestiigëty yajpäättë abëtsemy nyaxwinyëdë, oymyääjëtyëts ntsoondë, wiˈixëmëts nˈixˈattë ets ngäjpxtëts kanäk ayuk. ¿Tijëts diˈib xyajtuˈugyëdëp oyëts mä ntsoondë?

¿Ti Dios tsyojkënyëʼajtypy?

Dios tsyejpy ets abëtsemy naxwinyëdë jäˈäy tnijawët ti tyunaampy. ¿Ti tyunaampy ets pënaty tyam tyukniˈˈijxëdëbë wiinkpë?

¿Pënëts ëëtsëty Jyobaa tyestiigëty?

¿Ninääk xyˈixyˈatyë Jyobaa tyestiigëty? ¿Nuˈunën xyjyantsy xynyijawë pënëtsën ëëtsëty?

Tikots nxëʼattë Jyobaa tyestiigëty?

Nijawë tëgëk pëky tikots duˈun nxëˈattë.

¿Wiʼix ojts yajnijawë tëyʼäjtën diʼib mä Biiblyë?

¿Tiko mbäät nˈijtëm seguurë ko diˈib të njaygyujkëm mä Biiblyë yëˈë diˈib tëyˈäjtën?

¿Tikots ngäjpxnaxtë Biiblyë?

¿Tiko yˈoyëty extëm të yajkäjpxnaxyë tyäˈädë Diosë yˈAyuk?

¿Ti mbäädaampy ko mnëjkxët mäjëts nnaymyukëdë?

Tuˈukmujktëbëts parëts nˈëxpëktë Diosë yˈAyuk ets nnaymyëjämooyëdëbëts nixim niyam. Jantsy oy nˈaxäjëyäˈändë.

¿Wiʼixëts ndukʼoyʼattë kojëts nduʼukmuktë mëdëtsë nmëguʼuktëjk?

Diosë yˈAyuk xyˈanmäˈäyëm ets nduˈukmujkëm mëdë nmëguˈukˈäjtëm diˈib meet nˈëxpëjkëm. Nijawë wiˈix mbäät xytyukˈoyˈaty ko duˈun mduˈukmukët.

¿Tijaty yajtuump mäjëts nnaymyukëdë?

¿Të näˈä mnayyajtëyëty wiˈixëts nˈëxpëktë mäjëts nduˈukmuktë? Mëjˈixy mëjmëdoy xyjawëyaˈany mä wiˈix jantsy oy myajtukniˈˈixëyaˈanyë Biiblyë.

¿Tikots nëjkxtë oytyuny mäjëts nnaymyukëdë?

¿Myëjpëktakypyë Dios wiˈix naywyit nayxyojxëm? Nijawë tijaty käjpxwijën mbäät mbudëkëty ko wit xox xywyinˈixët.

¿Ti mbäät xytyuny parë oy xyʼëxpëkët diʼib naxäämp mä naymyujkën?

Ko kontiempë xyˈëxpëkët diˈib naxäämp mä naymyujkën mëjwiin kajaa xytyukˈoyˈatäˈäny.

¿Ti yʼandijpy nDiosʼawdäjtëm mëdë familyë?

Nijawë wiˈixë tyäˈädë mbäät mbudëkëty parë xymyëwingonëdë Dios ets parë tuˈugyë yˈitëdë mfamilyë.

¿Tikots nëjkxtë mäjëts nimay nduʼukmuktë?

Jëmëjt jëmëjt, tëgëk okëts nduˈukmuktë. ¿Wiˈix mbäät mbudëkëty ko mnëjkxët?

¿Wiʼix të yajtukniwitsë parëts ngäjpxwäʼkxtët?

Yëˈëts nbaduundëp extëmë Jesus tnastuˈunë ko yˈijty yä Naxwiiny. ¿Wiˈix kanäk pëky yajtunyë tyäˈädë tuunk?

¿Pën yajtijp prekursoor?

Näägë testiigë ja tyundë mä tuˈukpë poˈo 30 oorë, 50 oorë o axtë niˈigyë. ¿Ti pudëjkëdëp parë duˈun tyundë prekursoor?

¿Ti ëxpëjkën yʼaxäjëdëbë prekursoorëty?

¿Jadaa mä yˈëxpëktë prekursoor regulaar diˈib kajaa yajtuundëbë xyëë tiempë mä kyäjpxwäˈkxtë?

¿Wiʼixë mëjjäʼäytyëjk tpudëkë naymyujkën?

Mëjjäˈäytyëjk diˈib oy ijttëp mëdë Dios, yëˈë diˈib wyooyoˈoytyëp ja naymyujkën. ¿Ti naybyudëkë yäjktëp?

¿Ti nyikëjxmʼäjttëp diʼib pyudëjkëdëbë mëjjäʼäytyëjk?

Diˈib pyudëjkëdëbë mëjjäˈäytyëjk, tuundëp mä naymyujkën parë oy tijaty yajtunët. Nijawë wiˈix niˈamukë ttukˈoyˈattë ko duˈun tyundë.

¿Wiʼixëts xypyudëkëdë sirkuitë diʼibëts xykyuʼijxëdëp?

¿Tiko sirkuitë tkuˈixëdë naymyujkën? ¿Wiˈix mbäät xytyukˈoyˈaty kojëts nyajkuˈixëdë?

¿Wiʼixëts nbudëkëdë ja nmëguʼuktëjk ko yʼayoʼonbäättë?

Ko ti ayoˈon tyuny jyatyëty, pojënëts nbudëkëdë nmëguˈuktëjk ets njotkujkmoˈoytyëts mëdë Biiblyë. ¿Wiˈixatyëts nbudëkëdë?

¿Pënaty yajtijtëp tuumbë diʼib kuwijy ets tyuundëp ti wyintsën tsyejpy?

Jesus ojts twandaˈaky ko ttuknipëkäˈäny ja tuumbë diˈib kuwijy parë dyakët ja käˈäy ukën mä meerë tyëgoyˈaty. ¿Wiˈix ttuny?

¿Ti tyuundëp Diʼib wyooyoʼoytyëbë Jyobaa tyestiigëty?

Mä primer siiglë, tuk grupë “ja apostëlëty es ja mëjjäˈäytyëjkëty” diˈib wyooyoˈoytyë ja naymyujkën. ¿Ets wiˈix tyam yajtuny?

¿Ti yʼandijpy Betel?

Betel, yëˈë tuˈugë lugäär mä yajtunyë tuungë jëjpˈambë. Aknijawë pënaty jam tuundëp.

¿Ti yajtuump mä tuʼugë sukursal?

Jantsy oy yaˈˈagëˈë yaˈˈaxäjëdë pënaty jäjtëp parë tˈixyˈatäˈändë sukursal. ¡Myajwoop parë nëjkx xyˈixyˈaty!

¿Wiʼix yajjäʼäy ets yajkäjpxnaxyë ëxpëjkpajn?

Jats nyajpëtsëmdë ëxpëjkpajn naxy 600 ayuk. ¿Tikots njot nmejää nbëjtäˈäktë mä tyäˈädë tuunk?

¿Mäjëts nbëktë meeny parëts ndundë Diosë tyuunk abëtsemy nyaxwinyëdë?

Ko yajˈyakyë meeny sentääbë, ¿wiˈix tyëgatsyëtyë Diosë kyäjpn mëdë wiinkpë relijyonk?

¿Tiko ets wiʼixëts ngojtë ja Tëjk mäjëts nʼëxpëktë?

Nijawë wiˈixë tyäˈädë Tëjk tyuny diˈib adëyë të yajkojy mäjatyëts naymyukëdë.

¿Tijëts nduundëp parëts nguentʼattë ja Tëjk mäjëts nʼëxpëktë?

Ja Tëjk mäjëts nˈëxpëktë, tsojkëp yajpäädët wäˈäts parë yajmëjkumayëdë Dios. ¿Tijaty yajtuump parë wäˈäts yˈitët ja Tëjk mäjëts nˈëxpëktë?

¿Wiʼixëts xypyudëkëdë ja bibliotekë diʼib yajpatp mä ja Tëjk mäjëts nʼëxpëktë?

¿Myajmëjwindëkëyaambyë mˈëxpëjkënë diˈib mä Biiblyë? Nëjkx mä bibliotekë mäjëts nˈëxpëktë.

¿Ti mbäädaampy mäjëts nmëdattë pajina mä Internet?

Mbäät xynyijawë pënëts ëëtsëty ets tijatyëts nmëbëjktëp ets nanduˈun wiˈix yaˈˈatsoojëmbity mëdë Biiblyë tijaty mnayajtëëwëp.

¿Mdunaampy mijts ti Jyobaa tsyejpy?

Jyobaa Dios mjantsy tsyojkëp. ¿Wiˈix mbäät xyajnigëxëˈëky mä mjukyˈäjtënë ko mdunaampy diˈibë Dios tsyejpy?