Nëjkx parë xyʼixët diʼib tmëminy

Nëjkx mä myiny tukëʼëyë titulo

 ËXPËJKËN 15

¿Tiko mbäät xyˈëxpëjkˈadëˈëtsyë Biiblyë?

¿Tiko mbäät xyˈëxpëjkˈadëˈëtsyë Biiblyë?

1. ¿Wiˈix mbudëkëdët ko xyˈakˈëxpëkëdë Biiblyë?

Ko të xynyijawë wanatyë Biiblyë, të mbudëkëty parë niˈigyë xytsyokëdë Jyobaa. Per tsojkëbë net xyajmëjwindëkëdë mtsojkën (1 Peedrʉ 2:2). Ëxpëk xëmë Biiblyë parë kyaj Jyobaa xymyastuˈudët, net nëjkx xypyaatyë jukyˈäjtënë winë xëëbë. Käjpxë Fwank 17:3 etsë Juudʉs 21.

Ko xyˈaknijawët pënën Dios, ta niˈigyë mëbëjkën xyajkëktëkët ets yëˈë mbudëkëdëp parë Dios xyajjotkujkˈatët (Ebreeʉsʉty 11:1, 6). Nan yëˈë mbudëkëdëp parë mjodëmbitët ets xyajtëgatsëdë mjukyˈäjtën. Käjpxë Apostʉlʉty 3:19.

2. ¿Wiˈix mbäät xypyudëkë wiink jäˈäy?

Mijts mbäät oy mˈity mëdë Jyobaa

Waˈan xytyukmëtmaytyäˈägäˈänyë wiink jäˈäy diˈib të xynyijawë, pes niˈamukë njantsy myaytyäˈägäˈänëmë oybyë ayuk. Ko xyˈakˈëxpëkëdë Biiblyë, ta niˈigyë xyjatët xyajtunët parë xynyimaytyäˈägëdë Jyobaa etsë oybyë ayuk. Käjpxë Romanʉs 10:13-15.

Mbäät ogäˈän xytyukmëtmaytyaˈagyë mjiiky mëguˈuk etsë mëtnaymyaayëbë mëdë mayˈäjt wintsëˈkën etsë oyjyaˈayˈäjtën. Kyaj xyˈanëëmët ko kyaj tyëyˈäjtënëty diˈibë myëbejkypy, yëˈë tukmëtmaytyäˈäk tijatyë Dios wyandakypy. Jamyats ko extëm mjäˈäyˈaty, mbäät niˈigyë jäˈäy pyudëkëty ets kyaj dyuˈunëty ja mˈää mˈayuk. Käjpxë 2 Timotee 2:24, 25.

3. ¿Wiˈix nëjkx mˈity mëdë Dios?

Ko xyˈëxpëkëdë Biiblyë, ta niˈigyë oy mˈitët mëdë Jyobaa. Ets nëjkxëp mˈuˈunkˈaty mˈënäˈkˈatyëty. Käjpxë 2 Korintʉ 6:18.

 4. ¿Ti mdunëp parë niˈigyë mwimbatët mä Diosë jyaˈa?

Ëxpëk xëmë Diosë yˈAyuk (Ebreeʉsʉty 5:13, 14). Anëëmë tuˈugë Jyobaa tyestiigë parë myaˈëxpëkëdët mëdë liibrë ¿Ti tëyˈäjtën jantsy tukniˈijxëbë Biiblyë? Ko niˈigyë mˈëxpëkët, ta mˈitët agujk jotkujk. Käjpxë Salmo 1:1-3 etsë 73:27, 28.

Extëm të xynyijawë, ja oybyë ayuk diˈib miimp mä Biiblyë jam tsyoony mä Jyobaa, ja Dios diˈib jotkujk, ets mijts mbäät xymyëwingony pën mduˈukmujkp mëdë jäˈäyëty diˈib mëduunëp (Ebreeʉsʉty 10:24, 25). Ets pën mduumbyë mëjää parë xëmë xymyëdunëdë Dios, ta nëjkx xypyaaty ja jaantsypyë jukyˈäjtën, ja jukyˈäjtënë winë xëëbë. Duˈunë duˈun, diˈib mas oy, yëˈko xymyëwingonëdë Dios. Käjpxë 1 Timotee 1:11 etsë 6:19.