Nëjkx parë xyʼixët diʼib tmëminy

Nëjkx mä myiny tukëʼëyë titulo

 ËXPËJKËN 10

Jamyats wiˈix jyajty ja kyudëjkë Lot

Jamyats wiˈix jyajty ja kyudëjkë Lot

Lot mëdë tsyëgum o jyamy Abrahán, jamë nety tsyëënëdë Canaán. Ojts dyajnimayëdë ja jyëyujk yˈanimal ets kyaj nëgoo ojts tˈokmëdäjnëdë ja lugäär mä tyanëdët. Päätyë Abrahán tˈanmääyë Lot: “Kyaj mbäät yä tuˈugyë nekytsyënäˈäyëm. Tunë mayˈäjtën winˈix mätsoo mnëjkxäˈäny, ets ëjts, tats nëjkxët wiinktsoo”. ¿Këdii jantsy oy jyaˈayˈajtyë Abrahán?

Lot ta tˈijxy tuˈugë lugäär diˈib jantsy oy, mä jyamëtyë kom nëë etsë ääy ujtsë tsuxkatypyë. Ta twinˈijxyë tadë lugäär ets jam ojts nyëjkxtë tsënaabyë mëdë fyamilyë, naa jamyë wingon mä ja käjpn diˈib xyëwˈäjtypy Sodoma.

Ja jäˈäyëty diˈib tsënääytyëp Sodoma ets Gomorra jantsy axëkjäˈäyëty. Päätyë Jyobaa ttukniwinmäˈäyë dyajkutëgoyaˈanyë tyäˈädë majtskpë käjpn. Per komë Dios yajnitsoˈoganë Lot mëdë fyamilyë, ta tkejxy nimajtskë yˈanklës ets tˈanmääytyë Lot: “¡Jotëgoytyë! ¡Pëtsëmdë mä tyäˈädë käjpn! ¡Jyobaa yajkutëgoyaampy!”.

Perë Lot kyaj netyë tsyoˈony, ojts yˈakwëˈëmë. Pääty ja anklësëty tkëˈëmëmäjtsëdë ja Lot mët ja kyudëjk ets ja nyëëxëty ets wyijtspëtsëëmëdë pëyeˈegyë mä ja käjpn. Ta tˈanmääytyë: “¡Pëyëˈëktë! ¡Kaˈaktë parë kyaj mˈooktët ets këdii mˈijxˈawdittë! Pën mˈijxˈawdijttëp, ta mˈooktët”.

Ko jyäjttë mä ja siudad diˈib xyëwˈäjtypy Zóar, ta Jyobaa dyajjëënduuy etsë asufrë jëën ojts kyaˈay jam Sodoma ets Gomorra, duˈunën  kyutëgooyë tyäˈädë majtskpë käjpn. Ja kyudëjkë Lot kyaj tmëmëdooyë Jyobaa, ta yˈijxëmbijty ets jyëmbijty extëm tuˈugë käänbotsy. Perë Lot mët ja nyëëxëty nitsoktë mët ko myëdoowdë. Seguurë ko mon tuk nyayjäˈäwëdë mët ko ja kyudëjkë Lot kyaj myëdooy, per jotkujk nyayjäˈäwëdë mët ko yëˈëjëty myëmëdoowdë Jyobaa.

“Jamyatstë wiˈix [jyajty] ja Lotë nyëdoˈoxy” (Lukʉs 17:32).