Nëjkx parë xyʼixët diʼib tmëminy

¿Ti tsojkëp parë familyë yˈitët jotkujk?

¿Ti tsojkëp parë familyë yˈitët jotkujk?

¿Mjënäˈänëp ko...

  • ... tsojkën?

  • ... meeny sentääbë?

  • ... ja ti wiinkpë?

 BIIBLYË JYËNAˈANY

“¡Niˈigyë jyotkujkëty diˈibë myëdoodëp extëm ja Dios jyënaˈany es myëmëdoodëp!” (Lukʉs 11:28, Ja Jembyʉ Kajxyˈátypyʉ.)

¿WIˈIX NDUKˈOYˈÄJTËM KO NNIJÄˈÄWËM?

Jaˈˈatëbë tsojkën (Éfesʉ 5:28, 29).

Jaˈˈatëbë wintsëˈkën (Éfesʉ 5:33).

Ets nëjkxëp nnayjäˈäwëm seguurë (Markʉs 10:6-9).

 ¿MBÄÄT NMËBËJKËM WIˈIXË BIIBLYË JYËNAˈANY?

Mbäät, min nˈokˈijxëm majtsk pëky:

  • Dios yëˈë yajnaxkëdakë familyë. Biiblyë jyënaˈany ko Dios yëˈë yajtsondakë familyë (Génesis 2:18-24). O ja tuk pëky njënäˈänëm, jyaˈˈatyë familyë mët ko Jyobaa ojts tpëjtaˈaky. ¿Tiko jyëjpˈamëty etsë tyäˈädë nnijäˈäwëm?

    Okwinmay ko mjantsy kyay mjantsy yˈuuky ets xynyijawëyaˈany tijaty të yajpëjtaˈaky mä ja tojkx, ¿pën myajtëwëp? ¿Këdii yëˈë diˈib të dyaˈoyë?

    Nanduˈun jyaty mëdë familyë, pën mnijawëyaampy ti tsojkëp xytyunët parë mˈittët jotkujk, yëˈë mbäät xyajtëyë Jyobaa, diˈibë familyë pyëjtak.

  • Dios xymyëmäˈäy xymyëdäjëm. Oy ko mëdë mfamilyë xyˈëxtäˈäytyët mä Biiblyë ja käjpxwijën diˈibë Jyobaa yajkypy, pes “yëˈë naytyukjotmaytyuunëp mët miitsëty” (1 Peedrʉ 5:6, 7). Jyobaa xytyukmëtsojkëmë oyˈäjtën. Etsë kyäjpxwijënë xëmë xypyudëjkëm (Proverbios 3:5, 6; Isaías 48:17, 18).

 NAYAJTËWËDË

¿Tijëts mbäät nduny parëts oy nˈitët mëdëtsë nyaˈay o nëdoˈoxy o parëts oy nyajˈyaak nyajpatëdë nˈuˈunk nˈënäˈk?

Jap xynyijawët wiˈixë Biiblyë tˈatsoojëmbity mä ÉFESɄ 5:1, 2 etsë KOLOSɄ 3:18-21.