Nëjkx parë xyʼixët diʼib tmëminy

¿Pënën yˈaneˈembyë naxwinyëdë jäˈäy?

¿Pënën yˈaneˈembyë naxwinyëdë jäˈäy?

¿Mjënäˈänëp ko yëˈë...

  • ... Dios?

  • ... naxwinyëdë jäˈäy?

  • ... tuˈugë mëkˈäjtën diˈib kyaj yajnijawë?

 BIIBLYË JYËNAˈANY

“Niˈamukë naxwinyëdë jäˈäy yˈity mä ja axëkjäˈäy dyajtunyë myëkˈäjtën.” (1 Juan 5:19, Traducción del Nuevo Mundo [TNM].)

“Diosë yˈUˈunk të myiny naxwiiny es dyajkutëgoyaˈany diˈibë ja mëjkuˈugopk tyiimpy.” (1 Fwank 3:8, Ja Jembyʉ Kajxyˈátypyʉ.)

¿WIˈIX NDUKˈOYˈÄJTËM KO NNIJÄˈÄWËM?

Nëjkxëp njaygyujkëm tiko jyaˈˈatyë amay jotmay yä naxwiiny (Diˈibʉ Jatanʉp [Apocalipsis] 12:12).

Tam tiko nˈawijx njëjpˈijxëm parë yˈoyëdë jukyˈäjtën (1 Fwank 2:17).

 ¿MBÄÄT NMËBËJKËM WIˈIXË BIIBLYË JYËNAˈANY?

Mbäät, min nˈokˈijxëm tëgëk pëky:

  • Satanás maytsyoyë xyëë tiempë yˈijnë mä yˈaneˈemy. Jyobaa të ttuknibëjtäägë dyajkutëgoyaˈany mä Satanás tˈaneˈemyë naxwinyëdë jäˈäy. Yëˈë të twandaˈaky ko tpëjkëyaˈany ja Mëjkuˈu yˈanaˈamën ets dyaˈoyëyaˈany tijaty të dyajwindëgoy (Ebreeʉsʉty 2:14).

  • Dios të twinˈixyë Jesukristë parë yˈanaˈamët. Jesus tim tëgatsy mëdë Satanás diˈib anaˈamp yä naxwiiny, diˈib jantsy axëkjäˈäy ets këˈëm tijaty nyaytyukmëtsokyëty. Dios duˈun twandaˈaky mä yˈanaˈamäˈänyë Kristë: “Pyaˈˈayowaampy ja diˈib kyaj ti tmëdaty ets ja diˈib ayoop [...]. Mä yajtëytyuny ets mä axëëk yajtuny dyaˈˈawäˈätspëtsëmäˈäny” (Salmo 72:13, 14TNM).

  • Dios kyaj mbäät yˈandaˈaky. Biiblyë jyënaˈany: “Kyaj mbäädë Dios yˈandaˈaky” (Ebreeʉsʉty 6:18). Pääty ko Jyobaa ti twandaˈaky seguurë ko tkuytyunäˈäny (Titʉ 1:2). Ets diˈib të twandaˈaky, yëˈë ets yajpëjkët ja kyutujkën “diˈibë yä naxwiiny anaˈamp” (Fwank 12:31).

 NAYAJTËWËDË

¿Wiˈix jyukyˈatäˈändë naxwinyëdë jäˈäy ko netyë Satanás kyaj nyekyˈaneˈemy?

Jap xynyijawët wiˈixë Biiblyë tˈatsoojëmbity mä SALMO 37:10, 11 etsë DIˈIBɄ JATANɄP 21:3, 4.