Nëjkx parë xyʼixët diʼib tmëminy

Nëjkx mä myiny tukëʼëyë titulo

Maytyaʼagyë 20: Dina nyayajjotmaytyëkëty

Maytyaʼagyë 20: Dina nyayajjotmaytyëkëty

¿MNIJÄʼÄP pënatyë tyäʼädë toʼoxyʼënäʼk diʼib yamë Dina kyuʼijxypy? Yëʼë diʼib tsënääytyëp Kanán. ¿Yʼoyʼijxëdaa ja tyeety? Pën mnijawëyaampy, tsojkëp xyjamyatsët wiʼix wyinmääyë Abra̱a̱n mëdë Isa̱a̱ mä ja toxytyëjkëty diʼib Kanán.

Dina tkuʼixy ja toʼoxyʼënäʼkëty diʼib Kanán

¿Tyukmëtsojkë Abra̱a̱n etsë myäänk Isa̱a tpëkët tuʼugë kiixy diʼib Kanán? Kyaj. Etsë Isa̱a̱ mëdë Rebekʉ, ¿tyukmëtsojkë myäänk Jakoob tpëkët tuʼugë kiixy diʼib Kanán? Nan kyaj. ¿Mnijäʼäp tiko?

Yëʼko ja jäʼäyëty diʼib Kanán yëʼë yʼawdäjttëbë dios diʼib kyaj tyëyʼäjtënëty. Kyaj yʼoyjyaʼayʼattë ets yajpëkët o yajmëtnaymyaayëbëʼatët. Pääty mbäät njaygyujkëm ko ja Jakoob kyaj tʼoyʼijxy ko ja nyëëx nyaymyayëty mët ja toʼoxyʼënäʼk diʼib tsënääytyëp Kanán.

Dina nayjotmaymyooyë. ¿Mbäät xyʼixy tyäʼädë mixy diʼib yam yʼijxypyë Dina? Ja txëʼäjty Sikem ets jam tsyënääjy Kanán. Tëgok mä nety jamë Dina tkuʼixyë ja toʼoxyʼënäʼk, ta Sikem yʼaguanëʼäjtë ets mëët nyaygyoʼogëdët. Axëëk dëʼën yʼadëtstë yëʼko yëʼëyë mbäät nyaygyoʼogëdë yetyëjk mëdë toxytyëjk diʼib të pyëjknëdë. Ko dëʼënë Sikem yʼadëtsy ta net myiiny mëjwiin kajaajë amay jotmay.

Ko ja myëgaʼaxëtyë Dina tnijäʼäjëdë ti nety të tyuny të jyatyëty, ta myëkjotʼambëjktë. Pën niʼigyë jotʼambëjktë yëʼë Simeonk mëdë Leví, ta ak mëdë yʼespäädë tyëjkëdë ajotkumonë mä ja käjpn, ta dyaʼoʼktë ja Sikem. Ta net ok jyäjttë ja myëgaʼaxëty ets dyaʼoʼktääytyë niʼamukë ja yetyëjk. Mëk ja Jakoob jyantsy jotʼambejky ko dëʼën yʼadëtstë ja yʼuʼunk yʼënäʼk.

¿Wiʼixën tsyondaktääjy tëgekyë tyäʼädë amay jotmay? Yëʼë dëʼën ko ja Dina nyaymyaaybyëjkë mëdë jäʼäy diʼib kyaj tmëmëdoyë Diosë yʼanaʼamën. Ëtsäjtëm kyaj mbäät naymyaʼayëm mëdë jäʼäy diʼib kyaj tmëmëdoyë Dios, ¿këdii?

Génesis 34:1-31.



Yajtëʼëwën

  • ¿Tiko Abra̱a̱n mëdë Isa̱a̱ kyaj ttukmëtsojktë myäängëty ets tpëktëdë toʼoxyʼënäʼk diʼib Kanán?
  • ¿Yʼoyʼijxë Jakoob ko ja nyëëx nyaymyayëty mët ja toʼoxyʼënäʼk diʼib Kanán?
  • Ok ix mä dibujë, ¿pënë tadë mixy diʼib jam yʼijxypyë Dina, ets ti tyukmëduundëgoojy?
  • ¿Ti tyuunë Simeonk mëdë Leví ko tnijäʼäjëdë wiʼixë netyë Dina të jyaty?
  • ¿Wiʼix nyayjäʼäjë Jakoob extëm yʼadëtstë Simeonk mëdë Leví?
  • ¿Wiʼix tsyondakyë tyäʼädë amay jotmay mä ja yʼuʼunk yʼënäʼkë Jakoob?

Yajtëʼëwën diʼib këʼëm mʼatsoojëmbitëp

  • Käjxë Génesis 34:1-31.

    ¿Jeʼeyëdaa Dina tëgok ojts tkuʼixy ja toʼoxyʼënäʼk diʼib tsënääytyëp Kanán? Ok nimaytyäʼäk (Gén. 34:1).

    ¿Tiko mbäät njënäʼänëm ko Dina yëʼë nandëʼënë pyoky ko dyajtëgooyë kyixydoʼoxyʼat? (Gal. 6:7.)

    ¿Wiʼix tyam mbäädë ënäʼktëjk dyaʼixëdë ko pyëjktëjkëdëbë Dina yʼijxpajtënë ets kyaj nandëʼën jyotmaybyäättët? (Pro. 13:20; 1 Kor. 15:33; 1 Fwank 5:19.)