Nëjkx parë xyʼixët diʼib tmëminy

Nëjkx mä myiny tukëʼëyë titulo

Maytyaʼagyë 17: Majtskë ënäʼkuʼunk diʼib xeeny ak tëgatsy

Maytyaʼagyë 17: Majtskë ënäʼkuʼunk diʼib xeeny ak tëgatsy
Esa̱ʼuu

MAJTSKË tyäʼädë yaʼayʼënäʼkuʼunk diʼib mʼijxypy ak tëgatsy, ¿këdii? ¿Mnijäʼäp ti txëʼäjttë? Tyäʼädë tuj tiʼpxpë ja txëʼäjty Esa̱ʼuu, etsë tyäʼädë borreegë kuentʼäjtpë txëʼäjty Jakoob.

Esa̱ʼuu mëdë Jakoob yëʼë tyeetyʼäjt tyääkʼäjttë Isa̱a̱ mëdë Rebekʉ. Isa̱a̱ yëʼë tsyojk niʼigyë Esa̱ʼuu, yëʼko yëʼë oytyujpë myëjäjtypyë tsuʼutsy mä ja jyëën tyëjk. Perë Rebekʉ yëʼë niʼigyë tsyojkë Jakoob, yëʼko yëʼë yujy tudaʼaky ets yuunk naxypy.

Ja Abra̱a̱n tamnëmë nety yʼakjukyʼaty, mbäät nʼokpawinmäʼäyëm wiʼix ja Jakoob tim mëdooʼitany ko ja tyatwelë tnimaytyaʼagyë Jyobaa. Abra̱a̱n ja ojts yʼoʼknë ko jyëmëjt tmëdäjty 175, etsë tyäʼädë ënäʼkuʼunk ja netyë jyëmëjt tmëdattë mäjmokx.

Ko Esa̱ʼuu tmëdäjtyë jyëmëjt 40 ta tpejky majtskë kiixy diʼib tsënaapy Kanán. Ko dëʼën yʼadëtsy, ta Isa̱a̱ mëdë Rebekʉ jyantsy jotmayʼoʼktë, yëʼko ja toxytyëjkëty kyaj tʼawdattë Jyobaa.

Ta ttukjäjty ja tiempë mä ja Isa̱a̱ tkunuʼxäʼänyë kyaʼaxkopkʼuʼunk, ets kom ja Esa̱ʼuu yëʼë kaʼaxkopk yëʼë nety yʼawijxypy ja kunuʼxën. Per yëʼë të nety tmoʼoy ja yʼutsyë kyaʼaxkopkʼäjtënë, pääty kyaj tnekymyëdäjtyë madakënë ets yajkunuʼxët. Etsë Dios nan të nety jyënaʼany ko Jakoob yëʼë yajkunuʼxëp. Ets dëʼënën tyuun jyäjtë. Isa̱a̱ yëʼë kyunuʼxë Jakoob.

Jakoob

Ets ko ja Esa̱ʼuu tnijäʼäjë ta ttukjotʼambejkyë Jakoob. Mëkën ttukjotʼambejky axtë jyënany ko dyaʼoogäʼäny ja yʼutsy. Ko Rebekʉ tnijäʼäjë ta jyantsy jyotmaytyuktëjkë. Pääty tʼanmääyë nyaʼay: Axëëk njatäʼänëm pënë Jakoob nan yëʼë pyejkypyë toxytyëjk diʼib Kanán.

Päätyë Isa̱a̱ tmëjwooyë Jakoob ets tʼanmääjy: Kyaj xypyëkëdë tadë toxytyëjkëty diʼib Kanán. Nek oy mnëjxët Arán mä tsyëënë mdatwelë Betuel. Ets yëʼë mbëkëp tuʼugë Labangë nyëëx.

Jakoob myëmëdoojë tyeety, ta netyë tyuʼudëjkë ets ojts nyejxy mä ja jyiiky myëguʼuk tsyëënëdë jam Arán.

Génesis 25:5-11, 20-34; 26:34, 35; 27:1-46; 28:1-5; Ebreeʉsʉty 12:16, 17.



Yajtëʼëwën

  • ¿Pën Esa̱ʼuuʼäjt ets Jakoobʼäjt, ets wiʼix tyëgatsyʼäjttë?
  • ¿Näägë netyë jyëmëjtë Esa̱ʼuu mëdë Jakoob ko tyatwelë Abra̱a̱n yʼoʼky?
  • ¿Ti tyuunë Esa̱ʼuu ets päätyë tyääk tyeety myaajy tyäjtë?
  • ¿Tiko Esa̱ʼuu mëk ttukjotʼambejkyë Jakoob?
  • ¿Wiʼixë Isa̱a̱ tʼanmääyë Jakoob?

Yajtëʼëwën diʼib këʼëm mʼatsoojëmbitëp

  • Käjxë Génesis 25:5-11, 20-34.

    ¿Wiʼixë Jyobaa jyënany mä wiʼixë Rebekʉ yʼuʼunk yʼënäʼk yʼitäʼändë? (Gén. 25:23.)

    ¿Wiʼix tëgatsyatyë Jakoob mëdë Esa̱ʼuu tʼijxtë ja madakënë diʼibë nety myëdäjttëp mä kyaʼaxkopkʼattët? (Gén. 25:31-34.)

  • Käjxë Génesis 26:34, 35; 27:1-46, etsë 28:1-5.

    ¿Wiʼix kyëxeʼky ko Esa̱ʼuu kyaj tmëjjäʼäjë Diosë jyaʼa? (Gén. 26:34, 35; 27:46.)

    ¿Wiʼixë Jakoob yʼanmääyë tyeety ti tyunëp ets tʼaxäjët ja Diosë kyunuʼxën? (Gén. 28:1-4.)

  • Käjxë Ebreeʉsʉty 12:16, 17.

    ¿Ti mbäät xyjäjt xykyëbajtëm ko ngamëjäʼäjëmë Diosë jyaʼa extëmë Esa̱ʼuu?