Nëjkx parë xyʼixët diʼib tmëminy

Nëjkx mä myiny tukëʼëyë titulo

Maytyaʼagyë 41: Ja tsäʼäny mä kyëxʼijxtë

Maytyaʼagyë 41: Ja tsäʼäny mä kyëxʼijxtë
Moisés mët ja pujxn tsäʼäny

¿JANTSY tsäʼänyë tyäʼädë diʼib yam mʼijxypy kepykyëjxy? Kyaj, kyaj jyantsy tsyaʼanyëty. Pujxn tsäʼäny yëʼë. Yëʼë Jyobaa yʼanmääyë Moisés ets tpëjtäʼägët jam kepykyëjxy ets mbäät jamë israelitë kyëxʼixtë ets kyaj yʼooktët. Perë tadë tsäʼäny diʼib jam naxkëjxy, jantsy tsäʼäny yëʼë. Yëʼë tsyuʼtstë israelitë ets dyajpäʼämbajttë. ¿Mnijäʼäp tiko?

Yëʼko israelitëty tmëgäjxtëgooytyë Dios etsë Moisés. Pes jyënandë: ¿Tikots xyajpëtsëëmdë Ejiptʉ etsëtsë net yä nʼooktët? Pë mä tyäʼädë lugäär kyajts ti jeʼxy peky ets ni nëë. Ets kyajtsë manaa nekyjëʼxäʼändë.

Per ja manaa oy jeʼxy jaʼa, pes yëʼë diʼibë Jyobaa mooyëdë ets nandëʼënë nëë ets nyëʼuuktët. Per ja israelitëty kyaj tmëjjäʼäjëdë. Päätyë Jyobaa tyuknigajxëdë awäʼän tsäʼäny. Ta tsyuʼtsëdë, ets nimay jyantsy yʼoʼktë.

Israelitëty tsuʼutsëdë ja tsäʼäny

Ta ja israelitëty tnimiindë Moisés ets tʼanmääytyë: Tëts nbokytyundë, yëʼko tëts nmëgäjxtëgoytyë Jyobaa ets mijts. Mënuʼkxtäʼägë Jyobaa ets dyajjëgaʼagëdë tyäʼädë may tsyaʼany

Ta ja Moisés ojts nyinuʼkxtäägëdë. Ta Jyobaa yʼanmääyë ets dyaʼoyët tuʼugë pujxn tsäʼäny, ets tpëjtäʼägët kepykyëjxy, ets jam kyëxʼixtët pënaty ja tsäʼäny të tsyuʼutsëdë. Moisés ta ttuuny extëmë Dios yʼanmääyë. Ta niʼamukë pënatyë nety ja tsäʼäny të tsyuʼutsyëty kyëxʼijxtë mä ja pujxn tsäʼäny, ets yʼagëdaktë.

Tyäʼädë yëʼë xytyukniʼijxëm ko ëtsäjtëm dëʼën nyajpatëm extëm ja israelitëty diʼibë tsäʼäny tsuʼtsëdë. Pes ok pëkë kuentë, niʼamukë jäʼäy pyäʼämbety, myëjäʼäyë ets yʼooky. Jyattë dëʼën, yëʼko Adán mëdë Eevʉ tmastuttë Jyobaa. Perë Jyobaa yaʼawatsypyë tuʼu ets mbatëmë jukyʼäjtënë winë xëë winë tiempë.

Jyobaa yëʼë diʼib kyajxë Jesukristʉ yä Naxwiiny. Yajkëxwejpy kepykyëjxy, mët ko mayë jäʼäy wyinmääytyë ko yʼaxëkjäʼäyëty. Perë Jyobaa ojts tkexyë Jesús ets xyajnitsokëm. Pääty pën këxʼijxëm mä Jesukristʉ, ets pën nbajoʼomëm, nëjxëp mbatëmë jukyʼäjtënë winë xëë winë tiempë. Ok niʼigyë nʼaknijawëyäʼänëm wiʼix mbatëmë tyäʼädë jukyʼäjtënë.

Números 21:4-9; Fwank 3:14, 15.



Yajtëʼëwën

  • ¿Ti mʼijxypy jam kepykyëjxy mä tadë dibujë, ets tiko Jyobaa tʼanmääyë Moisés ets jam tpëjtäʼägët?
  • ¿Wiʼix ja israelitë dyaʼijxëdë ko kyaj tmëjjäʼäjëdë tijatyë Dios tukmëduunëdë?
  • ¿Wiʼixë israelitëty tʼanmääytyë Moisés ko ja Jyobaa tyuknigajxëdë awäʼän tsäʼäny?
  • ¿Tiko Jyobaa tʼanmääyë Moisés ets dyaʼoyët tuʼugë pujxn tsäʼäny?
  • ¿Ti diʼib xytyukniʼijxëmë tyäʼädë maytyaʼaky?

Yajtëʼëwën diʼib këʼëm mʼatsoojëmbitëp

  • Käjxë Números 21:4-9.

    ¿Wiʼix xypyudëjkëm ko nijäʼäjëmë israelitëty kyaj tmëjjäʼäjëdë diʼibë Jyobaa mooyë? (Núm. 21:5, 6; Rom. 2:4.)

    Ko jeky ja tiempë ojts jyantsy nyäjxnë, ¿wiʼix ja israelitëty dyajtuundë ja pujxn tsäʼäny, ets ti net tyuun ja rey Ezekiiʉs? (Núm. 21:9; 2 Rey. 18:1-4.)

  • Käjxë Fwank 3:14, 15.

    ¿Wiʼix ojts kyijxyë ja Jesusë yʼoʼkënë mët ja pujxn tsäʼäny diʼibë Moisés pyëjtak kepykyëjxy? (Gal. 3:13; 1 Peed. 2:24.)