Nëjkx parë xyʼixët diʼib tmëminy

Nëjkx mä myiny tukëʼëyë titulo

Maytyaʼagyë 96: Jesús dyaʼagëdaʼagyë päʼäm jäʼäy

Maytyaʼagyë 96: Jesús dyaʼagëdaʼagyë päʼäm jäʼäy

NËʼËNË Jesús ttukjëdijty ja nax käjpn, yaʼagëdakë pumäʼäy jyaʼay. Ta ja jäʼäy diʼibë nety tsënääytyëp wiink nax wiink käjpn tnijäʼäjëtyaaytyë. Pääty ojts tmënëjxtë mä Jesús, ja pumäʼäy jyaʼay diʼib wiints, xux, tekymyäʼät ets diʼib myëdäjttëbë wiingatypyë päʼäm. Etsë Jesús ta dyaʼagëdaktääjy.

Ja nety kujk nyaxy tëgëk jëmëjt mä ja Fwank dyajnëbetyë Jesús. Ko Jesús tʼanmääjy ja yʼapostëlëty ko nyëjxäʼäny Jerusalén, ets ko jamë jäʼäy yaʼoogäʼänyëty, ets ko ta net pyëdëʼëgäʼäny mä oʼkpëty. Mä dëʼënë Jesús jyëdity ta dyaʼagëdakyʼadëtsyë pumäʼäy jyaʼay.

Jesús dyaʼagëdaʼaky tuʼugë toxytyëjk diʼib pëjkëp

Tëgok sääbëdë xëë netyë Jesús yaʼëxpeky, ja xëë mä pyoʼxtë judiyëty. Ko tʼijxy tuʼugë toxytyëjk diʼibë nety të yʼijnë jëtsëguty 18 jëmëjt, ets kyaj nety mbäät nyekytyëy. Jesús tkëʼënikoony ets ta tyëëjy, extëm yam xyʼixy mä dibujë. ¡Ta yʼagëdaky!

Ko dëʼën tʼijxtë ja wintsëndëjk diʼib yaʼëxpëjktëp, ta jyotʼambëjktë ets ta niduʼuk jyënany: Tëdujk xëë jeʼeyë mbäät nduʼunëm, ets ja mä mbäät mindë ets mʼagëdäʼäktët, ¡kyaj syääbëdë xëëjëty!

Perë Jesús ta yʼatsoojy: ¡Axëkjäʼäyëty! ¿Ti kyaj miitsëty xymyëgajëdë mburrë sääbëdë xëë ets nëjx xyajnëʼuuktë? Pääty, ¿ti kyaj mbäät tyäʼädë toxytyëjk yʼagëdaʼaky diʼib kujk pyëjkënë 18 jëmëjt? Ko dëʼënë Jesús yʼatsoojy ta tyäʼädë axëkjäʼäyëty tsyoytyuundë.

Ok, ta Jesús mëdë yʼapostëlëty ojts nyëjxtë Jerusalén. Ets ko nety jam tmëwingoonëdë ja Jerikoo gäjpn, ta majtskë wiints myëyaxkakëdë: Jesús pudëjkëdëtsëk.

Jesús ta dyajtëëjy ja wiintsëty: ¿Ti mtsojktëp etsëts ndunët? Ta yʼatsoodë: Wintsën yëʼë etsëtsë nwiin yʼijxpëktët. Jesús ta ojts ttoonë wyiin, ¡ets ta netyë yʼijxpëjktë! ¿Mnijäʼäp tiko Jesús ttuunyë mëjʼäjtënë? Yëʼko tsyojkë jäʼäyëty ets tsyojk ets tpëjtäʼäktëdë mëbëjkënë mä yëʼë. Tyäʼädë yëʼë xytyukʼijxëm ets nʼijtëm seguurë ko nipën kyanekypyëkäʼänyëty ko Jesús tyëkët anaʼambë.

Matewʉ 15:30, 31; Lukʉs 13:10-17; Matewʉ 20:29-34.



Yajtëʼëwën

  • ¿Ti Jesús tyuun nëʼën ja nax käjpn ttukjëdijty?
  • Ko nety tëgëk jëmëjt të nyaxy mä nyëbetyë Jesús, ¿wiʼix tʼanmääyë yʼapostëlëty?
  • ¿Pënatyë tadë jäʼäy diʼib jam mä dibujë, ets wiʼixë Jesús tpudëjkë tadë toxytyëjk?
  • ¿Tiko tsyoytyuundë ja diʼib nyiwintsënʼäjttëbë relijyonk extëmë Jesús yʼatsoojë?
  • Ko nety ja Jesús mëdë yʼapostëlëty jyäjnëdë Jerikoo, ¿wiʼixë Jesús tpudëjkë majtskë wiints?
  • ¿Tiko Jesús ttuunyë mëjʼäjtënë?

Yajtëʼëwën diʼib këʼëm mʼatsoojëmbitëp

  • Käjxë Matewʉ 15:30, 31.

    ¿Wiʼixë Jyobaa myëjää dyaʼijxë mët yëʼëygyëjxmë Jesús, ets wiʼixë tyäʼädë mbäät xypyudëjkëm ets niʼigyë njaygyujkëm mä tidënë Jyobaa tyunaampy mä ja jembyë jukyʼäjtënë? (Sal. 37:29; Isa. 33:24.)

  • Käjxë Lukʉs 13:10-17.

    Dëʼën extëmë Jesús ttuunyë mëjʼäjtënë sääbëdë xëë, ¿wiʼix dyaʼijxë ko tidën tyunaampy ko tyëkët anaʼambë tuk mil jëmëjt? (Luk. 13:10-13; Sal. 46:9; Mat. 12:8; Kol. 2:16, 17; Diʼibʉ Jat. 21:1-4.)

  • Käjxë Matewʉ 20:29-34.

    ¿Wiʼixë tyäʼädë maytyaʼaky xytyukʼijxëm ko Jesús xëmë tjuʼtyë tiempë ets tpudëjkë jäʼäy, ets wiʼix mbäät mbajoʼomëmë yʼijxpajtën? (Deu. 15:7; Sant. 2:15, 16; 1 Fwank 3:17.)